ଛାତ୍ରୀଙ୍କୁ ଅସଦାଚରଣ କଲେ ପ୍ରଧାନଶିକ୍ଷକ, ସ୍କୁଲ ଘେରିଲେ ଗାଁ ଲୋକ

ନବରଙ୍ଗପୁର : ଏ ଆମ ସାର୍ । ଆମକୁ ପାଠ ପଢ଼ାନ୍ତି । ଆମ ଉଜ୍ଜ୍ବଳ ଭବିଷ୍ୟତ ଗଢ଼ୁଛନ୍ତି । ଆମେ ବି ତାଙ୍କୁ ବହୁତ ସମ୍ମାନ ଦେଉ । କିନ୍ତୁ ସେ ଯେଉଁ କାଣ୍ଡ କରୁଛନ୍ତି ଆପଣ ଜାଣିଲେ ମୁଣ୍ଡରେ ହାତ ଦେବେ । ସହଜରେ ବିଶ୍ବାସ କରିପାରିବେନି ଆପଣ । ଯେଉଁ ଛାତ୍ରୀମାନଙ୍କ ସହ ଏଭଳି କାରନାମା କରିଥିଲେ ସେହି ଛାତ୍ରୀ ଜଣକ ଶିକ୍ଷକଙ୍କ ସବୁ କଳାକାରନାମାକୁ ପଦାରେ ପକାଇଛନ୍ତି । ସେ କହିଛନ୍ତି ଆମକୁ ବାଥରୁମ୍ ଡାକିକି ଖରାପ ବ୍ୟବହାର ଦେଖାଇଥିଲେ । ମୋତେ ବାଥରୁମ୍ ଡାକିକି ମୋ ଦେହରେ ଅଶାଳୀନ ଢଙ୍ଗରେ ହାତ ମାରୁଛନ୍ତି । ସବୁଠୁ ବଡ଼ କଥା ହେଉଛି ଆପଣ ଦେଖୁଥିବା ଏହି ଶିକ୍ଷକ ଜଣକ ଜଣେ ଛାତ୍ରୀଙ୍କ ସହ ଏପରି କାମ କରି ନାହାଁନ୍ତି ସ୍କୁଲ ରେ ପାଠ ପଢ଼ୁଥିବା ଟିକିଏ ବଡ଼ ଦେଖାଯାଉଥିବା ଝିଅ ମାନଙ୍କ ସହ ଏଭଳି କାଣ୍ଡ କରୁଛନ୍ତି ।

ତେବେ ବାପା ମା’  ପରେ ଆମେ କାହାକୁ ଯଦି ପୂଜା କରିଥାଉ ସେ ହେଉଛନ୍ତି ଗୁରୁ । ସମାଜରେ ଶିକ୍ଷକ ଙ୍କୁ ଭଗବାନର ମାନ୍ୟତା ଦେଇ ଗୁରୁ ବ୍ରମହା ଗୁରୁ ବିଷ୍ଣୁ କୁହା ଯାଉଥିବା ବେଳେ, ଆଜି କିନ୍ତୁ ଜଣେ ଗୁରୁ ଙ୍କ କାର୍ଯ୍ୟକଳାପ ସମସ୍ତ ଙ୍କ ମୁଣ୍ଡ ତଳକୁ କରିଦେଇଛି l ନିଜ କାମନା ଲାଳସା ଚରିତାର୍ଥ କରିବା ପାଇଁ ନିଜ ହିତା ହିତ ଜ୍ଞାନ ଭୁଲି କୋମଳ ମତି ଶିଶୁ ଙ୍କ ପ୍ରତି ଖରାପ ଦୃଷ୍ଟି ପକେଇବାରେ ପଛେଇ ନାହାନ୍ତି ଜଣେ ଶିକ୍ଷକ l ଏଭଳି ଏକ ଲଜ୍ୟା ଜନକ ଘଟଣା ଘଟିଛି ନବରଙ୍ଗପୁର ସଦର ବ୍ଲକ ସିନ୍ଧିଗାଁ ପଂଚାୟତ ର କୁମଝର ଗାଁରେ l

ଗ୍ରାମର ସରକାରୀ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ବାବାଜୀ ଦାଶଙ୍କ ନାଁ ରେ ସାଙ୍ଘାତିକ ଅଭିଯୋଗ ଆଣିଛନ୍ତି ଛାତ୍ରୀ, ଅଭିଭାବକ ଏବଂ ଗ୍ରାମବାସୀ l ଛାତ୍ରୀ ମାନଙ୍କ ଅଭିଯୋଗ ହେଉଛି ପ୍ରଧାନ ଶିକ୍ଷକ ବାବାଜୀ ଦାସ ଏକାନ୍ତରେ ଛାତ୍ରୀ ମାନଙ୍କୁ ପାଇଖାନା ରେ ଡାକି ସେମାନଙ୍କ ସହ ଅସଦାଚରଣ କରୁଛନ୍ତି l ପ୍ରତିଦିନ କାହାକୁ ନା କାହାକୁ ଡାକି ଏଭଳି ଦୁର୍ବ୍ୟବହାର କରୁଛନ୍ତି l ଏହାକୁ ନେଇ ଆଜି ଛାତ୍ରୀ ମାନେ ନିଜ ନିଜ ଅଭିଭାବକ ମାନଙ୍କ ଆଗରେ ଘଟଣା ପ୍ରକାଶ କରିବା ପରେ ଦେଖାଦେଇଥିଲା ଉତ୍ତେଜନା l

ଗ୍ରାମବାସୀ ଏକତ୍ରିତ ହୋଇ ପ୍ରଧାନ ଶିକ୍ଷକଙ୍କୁ ଏକ କୋଠରୀ ରେ ଅଟକ ରଖି ଠେଲାପେଲା କରିବା ସହ ପାଟିତୁଣ୍ଡ କରିଛନ୍ତି l ଅନ୍ୟପଟେ ବିଭାଗୀୟ ଅଧିକାରୀ ଙ୍କଠାରୁ ସୂଚନା ପାଇ ସମ୍ପୃକ୍ତ ବିଦ୍ୟାଳୟକୁ ABEO ଆସି ତଦନ୍ତ କରିଛନ୍ତି ।  ଏନେଇ ଖବର ପାଇ ନବରଙ୍ଗପୁର ଟାଉନ ପୋଲିସ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିବା ସହ ଗ୍ରାମବାସୀ ଙ୍କ ଠାରୁ ସମ୍ପୃକ୍ତ ପ୍ରଧାନ ଶିକ୍ଷକ ଙ୍କୁ ଉଦ୍ଧାର କରି ନବରଙ୍ଗପୁର ଥାନାକୁ ନେଇଛି l ସେପଟେ ଏହି ଅଭିଯୋଗକୁ ଖଣ୍ଡନ କରିଛନ୍ତି ପ୍ରଧାନ ଶିକ୍ଷକ ସେ କହିଛନ୍ତି କି ଏସବୁ ମିଛ କଥା ମୁଁ ଏପରି କିଛି କାମ କରିନି । ଗାଁ ଲୋକେ ମିଛ କହୁଛନ୍ତି ।