ଭୁବନେଶ୍ବର: ରାଜ୍ୟରେ ହାଡ଼ଭଙ୍ଗା ଶୀତ । ଦକ୍ଷିଣରୁ ଆଭ୍ୟନ୍ତରୀଣ, ପୁଣି ଉତ୍ତର ଓଡ଼ିଶା ଜାଡ଼ରେ ଥରୁଛି । ଅଧା ଓଡ଼ିଶାରେ ଶୀତ ଲହରି । ଜନଜୀବନ ଅସ୍ତବ୍ୟସ୍ତ । ଆଜିଠାରୁ ଅଧିକ ଶୀତ ଅନୁଭୂତ ହୋଇଛି ।
ରାଜ୍ୟକୁ ଉତ୍ତର ଓ ଉତ୍ତର ପଶ୍ଚିମ ଦିଗରୁ ଶୁଷ୍କ ଓ ଥଣ୍ଡା ପବନ ପ୍ରବାହିତ ହେବ । ଆଗାମୀ ୫ଦିନ ଶୀତ ଲହରି ଜାରି ରହିବ ବୋଲି ସୂଚନା ଦେଇଛି ପାଣିପାଗ ବିଭାଗ । ଶୀତ ଦାଉରୁ ରକ୍ଷା ପାଇବା ପାଇ ଲୋକ ନିଆଁ ପୁଇଁ ହେଉଛନ୍ତି । ସେହିପରି କିଛି ସ୍ଥାନରେ ଘନ କୁହୁଡ଼ି ବି ପଡୁଛି । ଅନେକ ସ୍ଥାନରେ ହାଲୁକାରୁ ମଧ୍ୟମ ଧରଣର କୁହୁଡି ଦେଖାଯାଉଛି।