ପୁଣି ରିମାଣ୍ଡରେ ଆସିବେ ହାଇ ପ୍ରୋଫାଇଲ ଠକ ହଂସିତା-ଅନିଲ, ଯୁବତୀ ଚାଲାଣ ଲିଙ୍କ୍ ଖୋଲିବ

ଭୁବନେଶ୍ୱର : ପୁଣି ରିମାଣ୍ଡରେ ଆସିବେ ହାଇ ପ୍ରୋଫାଇଲ ଠକ ହଂସିତା-ଅନିଲ । କମିଶନରେଟ ପୋଲିସ ପକ୍ଷରୁ ରିମାଣ୍ଡରେ ନେବାକୁ କୋର୍ଟରେ କରାଯିବ ଆବେଦନ । ହଂସିତାଙ୍କ ବିରୋଧରେ ଜାଲ ପାସ ପୋର୍ଟ ଓ ଯୁବତୀ ଚାଲାଣ ମାମଲା ରୁଜୁ ହୋଇଛି। ଏନେଇ ଖୋଳତାଡ଼ କରିବ ପୋଲିସ । ଉଭୟଙ୍କୁ ରିମାଣ୍ଡରେ ନେବାକୁ କୋର୍ଟରେ କରାଯିବ ଆବେଦନ । ଆଜି ଏନେଇ କୋର୍ଟରେ ଆବେଦନ କରିବ ବୋଲି ସୂଚନା ମିଳିଛି ।
ରିମାଣ୍ଡ ସମୟରେ ହଂସିତାଙ୍କ ଯୁବତୀ ଚାଲାଣ ଲିଙ୍କ୍ ଖୋଲିବ ସ୍ପେଶାଲ କ୍ରାଇମ୍ ୟୁନିଟ୍ । ପଚରାଉଚରା ବେଳେ ଆଉ କିଛି ତଥ୍ୟ ହାସଲ କରିବା ଲକ୍ଷ୍ୟରେ ରହିଛି ତଦନ୍ତକାରୀ ଟିମ୍। ପୂର୍ବରୁ ଦିନିକିଆ ରିମାଣ୍ଡରେ ଆସିଥିଲେ ହାଇପ୍ରୋଫାଇଲ ଠକ । ଏହା ପରେ ଦୁଇଟି ମାମଲା ରୁଜୁ କରିଛି ସ୍ପେସାଲ କ୍ରାଇମ୍ ୟୁନିଟ। ଇନଫୋସିଟି ଥାନାରେ ମାମଲା ରୁଜୁ ହୋଇଥିଲା।