ପ୍ରଧାନ ଶିକ୍ଷୟିତ୍ରୀ ଅଶ୍ରୁକଣା ପ୍ରଧାନଙ୍କ ମୃତ୍ୟୁ ପଛ ରହସ୍ୟ ଖୋଲିବ କି ସ୍ବାମୀ ଅଜୟଙ୍କ ଡାଏରୀ

କୁହାଯାଏ କି ସତ କେବେବି ଲୁଚି ରହେନି l ଆଜି ନହେଲେ କାଲି ରହସ୍ୟ ଭିତରେ ଥିବା ଘଟଣା ସାମ୍ନାକୁ ଆସେ ବୋଲି ସମସ୍ତେ କୁହନ୍ତି l ତେବେ ଏଠି ଆମେ ଏକଥା କାହିଁକି କହୁଛୁ ଆସନ୍ତୁ ଜାଣିବା l ଆମେ କହୁଛୁ ବହୁ ଚର୍ଚ୍ଚିତ ଅବସର ପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଅଶ୍ରୁକଣା ପ୍ରଧାନଙ୍କ ମୃତ୍ୟୁ କଥା l କ୍ୟାପିଟାଲ ହାଇସ୍କୁଲ ବିଜ୍ଞାନ ଶିକ୍ଷୟିତ୍ରୀ ଯିଏ ନାଚୁଣୀ ହାଇସ୍କୁଲର ପ୍ରଧାନ ଶିକ୍ଷୟିତ୍ରୀ ଭାବରେ ଆବସର ଗ୍ରହଣ କରିଥିଲେ l ସ୍ୱାମୀ ପୂର୍ବତନ ବ୍ରହ୍ମଗିରି ବିଧାୟକ ଅଜୟ ଜେନା ଓ ପୁଅ ସହିତ ଶାସ୍ତ୍ରୀ ନଗର ଘରେ ରହୁଥିଲେ l ପୁଅ ଭଲ ପାଇ ବିବାହ କରିଥିଲେ ଉପାସନା ଷଡ଼ଙ୍ଗୀଙ୍କୁ l ତେବେ କିଛି ଦିନ ଅନ୍ତେ ପ୍ରଥମେ ଅଜୟ ଜେନାଙ୍କ ପୁଅଙ୍କର ପରଲୋକ ହେଲା l ତାପରେ ପାଳି ପଡିଲା ଅଜୟ ଜେନାଙ୍କର l ଆଉ ଶେଷରେ ଶାଶୁ ଅଶ୍ରୁକଣା ପ୍ରଧାନ ବି ଚାଲିଗଲେ l ତେବେ ଘରେ ବୋହୂ ଉପାସନା ଷଡ଼ଙ୍ଗୀଙ୍କର କିଛି କଥା ସାମ୍ନାକୁ ଆସିନଥିଲା । କାହିଁକି ନା ବଡ ଘର ଗୁମର କଥା ବାହାରକୁ ଆସି କାଳେ ପଦାରେ ପଡିଯିବ ତେଣୁ ସେଥିପାଇଁ ବୋଧହୁଏ ଘରଲୋକ ନିରବ ଥିଲେ । ତେବେ ଅଶ୍ରୁକଣାଙ୍କ ଅର୍ଦ୍ଧଦଗଧ ମୃତ ଶରୀର ଭୁବନେଶ୍ବର ସତ୍ୟନଗର ମଶାଣିରୁ ପୋଲିସ୍ ଜବତ କରିବା ପରେ ସାମନାକୁ ଆସିଲା ଅନେକ ଅଭିଯୋଗ । ଅଶ୍ରୁକଣାଙ୍କ ଭଉଣୀମାନେ ବଡ଼ ଅଭିଯୋଗ ଆଣିଥିଲେ ବୋହୁ ଉପାସନାଙ୍କ ବିରୋଧରେ । ଯାହାକୁ ଖଣ୍ଡନ କରିଥିଲେ ଉପାସନା ।

ତେବେ ପୂର୍ବତନ ବିଧାୟକ ତଥା ଉପାସନାଙ୍କ ଶ୍ବଶୁର ଅଜୟ ଜେନାଙ୍କ ଡାଏରୀ ଖୋଲିଛି ଅନେକ କଥା । ସେ ନିଜ ପ୍ରତିଦିନ ଡାଏରୀ ଲେଖି ରଖୁଥିଲେ l ଏହି ଲେଖା ଅନୁସାରେ, ଥରେ ଅଧେ ବୋହୂ ବାଡିଆ ପିଟା କରିଥିବା କଥା ମହିଳା ଥାନାରେ ଅଭିଯୋଗ ଆଣିଥିଲେ । ଏମିତିକି ଅଶ୍ରୁକଣା ପ୍ରଧାନଙ୍କ ହାତ ଲେଖା fir ବି ଅଛି । … ସେପଟେ ପୋଲିସ ମଧ୍ୟ ସ୍ୱୀକାର କରିଛି କି ଏମାନଙ୍କ ମଧ୍ୟରେ ବିବାଦ ଲାଗି ରହିଥିଲା l ଏବେ ଆଉ ଗୋଟିଏ କଥା ସାମ୍ନାରେ ରଖୁଛୁ ଆମେ ଆଗରୁ କହିଥିଲୁ ପ୍ରଧାନ ଶିକ୍ଷୟିତ୍ରୀ ଅଶ୍ରୁକଣା ପ୍ରଧାନଙ୍କ ଭଉଣୀ ଓ ଭଉଣୀ ଜ୍ୱାଇଁ ଯାଇ ଅର୍ଦ୍ଧଦଗ୍ଧ ମୃତ ଶରୀରକୁ ପୋଡ଼ିବାକୁ ଦେଇ ନଥିଲେ l ଆଉ ଉପାସନା ସକାଳ ଛଅଟାରେ ଶାଶୁ ମୃତ୍ୟୁ ବରଣ କରିଥିବା କଥା ଗଣମାଧ୍ୟମ ଆଗରେ କହିଥିଲା ବେଳେ ଅବସର ପ୍ରାପ୍ତ ଡାକ୍ତରଙ୍କୁ ମଧ୍ୟ ରାତି ଗୋଟାଏ ୩୦ରେ ନିସ୍ତେଜ ହେବା କଥା କହିଥିଲେ ବୋଲି ଡାକ୍ତର କହିଥିଲେ l ଏସବୁ ଘଟଣାକୁ ବାଦ ଦେଇ ଆମେ ଆଉ ଗୋଟିଏ ତଥ୍ୟ ଆଣୁଛୁ ଆପଣମାନଙ୍କ ସମ୍ମୁଖକୁ l

ଯଦି ଅଜୟ ଜେନାଙ୍କ ହାତ ଲେଖା ଡାଏରୀ ସତ ହୋଇ ଥାଏ ତେବେ ଘଟଣା ବହୁତ ସାଙ୍ଘାତିକl ଆଉ ଏହି ଡାଏରୀ ଖୋଲିବ କି ଗୁମର କଥା ? ଡାଏରୀ ଗୋଟି ଗୋଟି କରି ପୂର୍ବତନ ବିଧାୟକ ଅଜୟ ଜେନା ଅନେକ କଥା ଲେଖିଛନ୍ତି l ବୋହୂ କେତେ ନିର୍ଯାତନା ଦେଉଥିଲେ l କେତେ ଅତ୍ୟାଚାର କରୁଥିଲେ l … ଏଭଳି ଅଭିଯୋଗ ଅଶ୍ରୁକଣାଙ୍କ ଭଉଣୀ ପୂର୍ବତନ ପ୍ରିନସିପାଲ ମୋନିକା ପ୍ରଧାନ ଓ ଭଉଣୀ ଜ୍ୱାଇଁ ଅଜୟ ନନ୍ଦୀ ମଧ୍ୟ କହୁଥିଲେ l ଅଭିଯୋଗ ପରେ ଅଶ୍ରୁକଣାଙ୍କ ଅର୍ଦ୍ଧଦଗ୍ଧ ମୃତ ଶରୀରକୁ ନେଇ ପୋଲିସ୍ ପୋଷ୍ଟମର୍ଟମ କରିଥିଲା । ଏହାପରେ ଦ୍ବିତୀୟଥର ପାଇଁ ତାଙ୍କର ଶବସତ୍କାର କରାଯାଇଥିଲା । ପ୍ରଥମ ଥର ବୋହୂ ଉପାସନା ସତ୍କାର କରୁଥିବା ବେଳେ ମୃତ ଶରୀରକୁ ଜବତ କରାଯାଇଥିଲା । ଆସନ୍ତୁ ଜାଣିବା ସତ କଣ ?