ଭୁବନେଶ୍ବର(କେନ୍ୟୁଜ୍):କିସ୍ ଓ କିଟରେ ସର୍ବଭାରତୀୟ ଆନ୍ତଃବିଶ୍ୱବିଦ୍ୟାଳୟସ୍ତରୀୟ ସନ୍ତରଣ ଚାମ୍ପିଅନ୍ସିପ୍ ୨୦୨୧-୨୨ ଉଦ୍ଘାଟିତ ହୋଇଯାଇଛି। ଭାରତୀୟ ବିଶ୍ୱବିଦ୍ୟାଳୟ ସଂଘ ଆନୁକୂଲ୍ୟରେ ଅନୁଷ୍ଠିତ ହେଉଥିବା ପ୍ରତିଯୋଗିତାରେ ସର୍ବ ଭାରତୀୟସ୍ତରରେ ଓଡ଼ିଶା ସମେତ ବିଭିନ୍ନ ରାଜ୍ୟର ୩୧୦ଟି ବିଶ୍ୱବିଦ୍ୟାଳୟରୁ ୧୫ଶହରୁ ଅଧିକ ପ୍ରତିଯୋଗୀ ଓ ଅଫିସିଆଲ୍ ଅଂଶଗ୍ରହଣ କରିଛନ୍ତି। ୨୬ ତାରିଖ ପର୍ଯନ୍ତ ଚାଲିବାକୁ ଥିବା ଏହି ଚାମ୍ପିଅନସିପର ସମସ୍ତ ପ୍ରତିଯୋଗିତା କିସ୍ ଅନ୍ତର୍ଜାତୀୟ ସୁଇମିଂ ପୁଲରେ ଆୟୋଜନର ବ୍ୟବସ୍ଥା କରାଯାଇଛି। କିସ୍ ସୁଇମିଂ ପୁଲ୍ ଅନ୍ତର୍ଜାତୀୟ ମାନର ହୋଇଥିବାରୁ ଏଠାରେ ଏକାଥରକେ ଏତେ ସଂଖ୍ୟକ ସନ୍ତରଣକାରୀଙ୍କୁ ନେଇ ପ୍ରତିଯୋଗିତା କରାଯାଇପାରୁଛି।
ସମସ୍ତ ପ୍ରତିଯୋଗୀ ଓ ଅଫିସିଆଲମାନେ ଡିସେମ୍ବର ୨୦ ତାରିଖଠାରୁ କିଟ୍ ଓ କିସରେ ପହଞ୍ଚି ସାରିଥିଲେ। ସେମାନଙ୍କ ରହିବା ଓ ଖାଇବା ତଥା ସନ୍ତରଣ ଅଭ୍ୟାସ ପାଇଁ କିଟ୍ ଓ କିସ୍ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି। ପ୍ରଥମ ଥର ଲାଗି ସର୍ବଭାରତୀୟସ୍ତରରେ ଏତେ ବଡ଼ ଧରଣର ସନ୍ତରଣ ପ୍ରତିଯୋଗିତା କିଟ୍ ଓ କିସରେ ଅନୁଷ୍ଠିତ ହେଉଥିବାରୁ ପ୍ରତିଯୋଗୀଙ୍କୁ ସମସ୍ତ ପ୍ରକାର ସୁବିଧା ସୁଯୋଗ ଯୋଗାଇ ଦିଆଯିବା ନେଇ କିଟ୍ କ୍ରୀଡ଼ା ବିଭାଗ ପକ୍ଷରୁ ଯତ୍ନ ନିଆଯାଉଛି।
ଏହି ଅବସରରେ କିଟ୍ ଓ କିସ୍ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ ସମସ୍ତ ପ୍ରତିଯୋଗୀଙ୍କୁ ଆନ୍ତରିକ ଶୁଭେଚ୍ଛା ଜଣାଇଛନ୍ତି। ଆଜି ଉଦ୍ଘାଟନୀ ଉତ୍ସବରେ କିଟ୍ ବିଶ୍ୱବିଦ୍ୟଳୟ କୁଳସଚିବ ପ୍ରଫେସର ଜ୍ଞାନ ରଞ୍ଜନ ମହାନ୍ତି, କ୍ରୀଡ଼ା ନିର୍ଦ୍ଦେଶକ ଡ. ଗଗନେନ୍ଦୁ ଦାଶ, ସ୍କୁଲ୍ ଅଫ୍ ସୋସିଆଲ୍, ଫାଇନାନ୍ସିଆଲ ଆଣ୍ଡ ହ୍ୟୁମାନ ସାଇନ୍ସେସର ନିର୍ଦ୍ଦେଶକ ପ୍ରଫେସର ଜୟନ୍ତ କୁମାର ପରିଡ଼ା ପ୍ରମୁଖ ଉପସ୍ଥିତ ରହି ପ୍ରତିଯୋଗୀଙ୍କୁ ଉତ୍ସାହିତ କରିଥିଲେ।.
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…
ଉଦଳା: ଅଳିଆ ଭାବେ ପଡିଛି କୁଢ଼ କୁଢ଼ ସାଲାଇନ ଓ ଇଞ୍ଜେକସନ୍ । କିଛି ଏକ୍ସପାଏରୀ ହୋଇଛି ତ ଆଉ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ଗିରଫ କରିଛି ସିବିଆଇ । ଅବକାରୀ ନୀତି ଦୁର୍ନୀତି ମାମଲାରେ ତାଙ୍କୁ ଅଦାଲତରୁ ଗିରଫ…