ବନେଇମୁଣ୍ଡା ସେବା ସମବାୟ ସମିତି କାର୍ଯାଳୟରେ ତାଲା ଦେଲେ ଚାଷୀ

ପାଟଣାଗଡ : ପାଟଣାଗଡ଼ ବ୍ଲକ ବନେଇମୁଣ୍ଡା ସେବା ସମବାୟ ସମିତି ଅଧିନସ୍ତ ଚାଷୀମାନେ ବିଭିନ୍ନ ସମସ୍ୟା ନେଇ ଆନ୍ଦୋଳନ କରିଛନ୍ତି l ଗତବର୍ଷ ତୁଳନାରେ ଧାନବିକିବା ପାଇଁ କମ ଟୋକନ ଆସିଥିବାରୁ ଚାଷୀମାନେ ପ୍ରଶାସନକୁ ବାରମ୍ବାର ଅଭିଯୋଗ କରିଥିଲେ l ହେଲେ ଆଜି ଯାଏ କୌଣସି ସନ୍ତୋଷଜନକ ପଦକ୍ଷେପ ନିଆ ଯାଇନଥିବାରୁ ଅଞ୍ଚଳର ଚାଷୀମାନେ ସେବା ସମବାୟ ସମିତି କାର୍ଯାଳୟରେ ତାଲା ଦେଇଛନ୍ତି l ଏହାର ଉପଯୁକ୍ତ ସମାଧାନ ନହେବା ପର୍ଯ୍ୟନ୍ତ ତାଲା ଖୋଲିବେ ନାହିଁ ବୋଲି ମଧ୍ୟ ପ୍ରଶାସନକୁ ଚେତାବନୀ ଦେଇଛନ୍ତି ଚାଷୀ l