ଯାଜପୁର ରୋଡ(କେନ୍ୟୁଜ୍): ଏକ ତରଫା ପ୍ରେମ ନିଶା ପ୍ରେମିକ ପାଇଁ ମହଙ୍ଗା ପଡିଲା। ପ୍ରେମିକ ସାଜିଲା ହତ୍ୟାକାରୀ। ପ୍ରେମିକା ବାହାହେବା ପରେ ପ୍ରେମିକାର ଶ୍ବଶୁରକୁ ହତ୍ୟା କଲା ଅଭିଯୁକ୍ତ ପ୍ରେମିକ। ଏଭଳି ଏକ ଘଟଣା ଘଟିଛି ଯାଜପୁର ଜିଲ୍ଲା ଦାନଗଦୀ ବ୍ଲକ୍ ଅନ୍ତର୍ଗତ ବାଲିପଶି ଗାଁରେ। ସକାଳୁ ସକାଳୁ ଗାଁର ବାଉଁଶବୁଦା ନିକଟରୁ ମିଳିଥିଲା କ୍ଷତାକ୍ତ ମୃତଦେହ। ଅଭିଯୁକ୍ତ ପ୍ରେମିକ ହେଲା କୁନା ଓରଫ୍ ଅବିନାଶ ଧଳ। ମୃତବ୍ୟକ୍ତି ହେଲେ ବାଲିପଶି ଗାଁର ଶରତ ଚନ୍ଦ୍ର ଧଳ। ସୂଚନା ମୁତାବକ ନିକଟରେ ଶରତ ତାଙ୍କ ସାନ ପୁଅକୁ ବାହାଦେଇଥିଲେ। ହେଲେ ଏହି ବିବାହ ପୂର୍ବରୁ ଅବିନାଶ ଶରତଙ୍କ ସାନବୋହୁଙ୍କୁ ପ୍ରେମ କରୁଥିଲେ।
ସେଥିପାଇଁ ସେ ପ୍ରତିହିଂସା ପରାୟଣ ହୋଇ ଉଠିଥିଲା। ଶରତ ଓ ତାଙ୍କ ପରିବାର ସଦସ୍ୟଙ୍କୁ ଜୀବନରୁ ମାରିଦେବାକୁ ବାରମ୍ବାର ଅବିନାଶ ଧମକ ଦେଇ ଆସୁଥିଲା।ଶେଷରେ ଗତକାଲି ରାତିରେ ଶରତଙ୍କୁ ହତ୍ୟା କରି ବାଉଁଶ ବୁଦାରେ ମୃତଦେହ ଫିଙ୍ଗି ଦେଇଥିବା ପରିବାର ଲୋକେ ଅଭିଯୋଗ କରିଥିଲେ। ଯାଜପୁର ରୋଡ୍ ପୋଲିସ୍ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ଶବ ବ୍ୟବଚ୍ଛେଦ ପାଇଁ ଦାନଗଦୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଇଛି। ସେପଟେ ହତ୍ୟା ଅଭିଯୁକ୍ତ ଟୁନା ଓରଫ୍ ଅବିନାଶ ଆଜି ଫେରାର୍ ହୋଇଯିବାକୁ ଉଦ୍ୟମ କରୁଥିବା ବେଳେ ପୋଲିସ୍ ହାତରେ ଧରାପଡ଼ିଛି।ଅଭିଯୁକ୍ତକୂ ଗିରଫ୍ କରି ପୋଲିସ୍ ତଦନ୍ତ ଜାରୀ ରଖିଛି
ଲମତାପୁଟ : କେକରେ ଲେଖା ହୋଇଛି ରବି ଆଣ୍ଡ୍ ମଞ୍ଜୁ । ଆଉ ପାଖରେ ଫୁଲ ମାଳ ପିନ୍ଧି ଛିଡା…
ଲକ୍ଷ୍ମୀପୁର : ଏବେ ମୃତ୍ୟୁର ତାଣ୍ଡବ ଖେଳି ଚାଲିଛି ଡିଫଥେରିଆ । ଏହି ରୋଗ ଜଣକ ପରେ ଜଣକୁ ନିଜ…
ଜଳେଶ୍ବର : ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ଦକ୍ଷିଣ ପୂର୍ବ ରେଳପଥର ନୂଆଗାଁ ରୋଡ଼ ରେଳଷ୍ଟେସନ ମଧ୍ୟ ସ୍ଥଳ…
କଟକ(କେନ୍ୟୁଜ୍): ରଥଯାତ୍ରା ପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ସବୁଠି ଶଂଙ୍ଖ ଘଣ୍ଟ ହୁଳୁହୁଳି ଶଦ୍ଦରେ ପୂରି ଉଠୁଛି ପୂରା ପରିବେଶ…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଜୁନ୍ ୨୩ ରେ ଜହିର ଇକବାଲଙ୍କ…
ଗତ କିଛି ଦିନ ହେବ ଲଗାତାର ଭାବେ ଖାଦ୍ୟରୁ ମୂଷା, ଅସରପା, ବେଙ୍ଗ, ବ୍ଲେଡ୍ ଆଦି ବାହାରିବା ନେଇ ସୋସିଆଲ…