ପରୀକ୍ଷା ପରିଚାଳନା ଓ ଫଳାଫଳରେ ଅବ୍ୟବସ୍ଥା ଅଭିଯୋଗ, ଖଲ୍ଲିକୋଟ ବିଶ୍ୱବିଦ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ
ଖଲ୍ଲିକୋଟ(କେନ୍ୟୁଜ୍): ଖଲ୍ଲିକୋଟ ବିଶ୍ୱବିଦ୍ୟାଳୟ ଅଧୀନରେ ଥିବା ବିଭିନ୍ନ ମହାବିଦ୍ୟାଳୟ ଗୁଡ଼ିକରେ ପରୀକ୍ଷା ପରିଚାଳନା ଓ ଫଳାଫଳରେ ଅବ୍ୟବସ୍ଥା ଅଭିଯୋଗ । ପ୍ରତିବାଦରେ ବ୍ରହ୍ମପୁର ଆଚାର୍ଯ୍ୟ ବିନାୟକ ମହାବିଦ୍ୟାଳୟ, ଗୋପାଳପୁର ମହାବିଦ୍ୟାଳୟ ଓ ଛତ୍ରପୁର ମହାବିଦ୍ୟାଳୟର ଛାତ୍ରଛାତ୍ରୀମାନେ ଖଲ୍ଲିକୋଟ ବିଶ୍ୱବିଦ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି । କୁଳପତିଙ୍କୁ ଭେଟି ୮ ଦଫା ଦାବିପତ୍ର ବି ଦେଇଛନ୍ତି ଛାତ୍ରଛାତ୍ରୀ । ଅଭିଯୋଗ କରିଛନ୍ତି, ପାସ୍ ପାଇଁ ଉଦ୍ଦିଷ୍ଟ ନମ୍ବର ରଖିଥିଲେ ବି ସେମାନଙ୍କୁ ଫେଲ୍ ବୋଲି ଦର୍ଶାଯାଇଛି । କୁଳପତି କହିଛନ୍ତି, ଖୁବଶୀଘ୍ର ସମସ୍ୟାର ସମାଧାନ କରାଯିବ ।