ଭୁବନେଶ୍ବରରୁ ଅପହରଣ ଶିଶୁପୁତ୍ର କଟକରୁ ଉଦ୍ଧାର, ମାଆ କୋଳରୁ ଛଡାଇ ନେଇଥିଲେ ଦୁର୍ବୃତ୍ତ

ଅପହୃତ ଶିଶୁପୁତ୍ର ଉଦ୍ଧାର। ଭୁବନେଶ୍ବରରୁ ଅପହରଣ, କଟକରୁ ଉଦ୍ଧାର। ୯ ଘଣ୍ଟା ପରେ ୧୧ମାସର ଶିଶୁକୁ ଉଦ୍ଧାର କଲା ମଞ୍ଚେଶ୍ବର ପୋଲିସ। ଉଦ୍ଧାର ପରେ ଘଟଣାର ପର୍ଦ୍ଦାଫାଶ କରିଛି ପୋଲିସ। ବାପା ରଚିଥିଲା ଅପହରଣ ନାଟକ। ଏନେଇ ସୂଚନା ଦେଇଛନ୍ତି ଭୁବନେଶ୍ବର ଡିସିପି ପ୍ରତୀକ ସିଂ।

ଭୁବନେଶ୍ବର ପଟିଆ ଷ୍ଟେସନ ପାଖରୁ ହୋଇଥିଲା ଅପହରଣ। ମାଆ କୋଳରୁ ଛଡାଇ ନେଇଥିଲେ ଦୁର୍ବୃତ୍ତ। ଧଳା ରଙ୍ଗର କାରରେ ଆସି ଶିଶୁକୁ କିଡନାପ କରି ପଳାଇଯାଇଥିଲେ। ଏନେଇ ଅଭିଯୋଗ ପରେ ମାରାଥନ ସର୍ଚ୍ଚ ଆରମ୍ଭ କରିଥିଲା କମିଶନରେଟ ପୋଲିସ। ସବୁ ଛକରେ ବ୍ଲକିଂ କରାଯିବ ସହ ବିଭିନ୍ନ ଧଳା ଗାଡ଼ିର ଯାଞ୍ଚ କରାଯାଇଥିଲା। ଶେଷରେ ବିଳମ୍ବିତ ରାତିରେ କଟକରୁ ଉଦ୍ଧାର ହୋଇଥିଲା ଶିଶୁ। ପାରିବାରିକ କଳହରୁ ଅପହରଣ କରାଯାଇଥିବା ସୂଚନା ମିଳିଛି।