ଭୁବନେଶ୍ୱର (କେନ୍ୟୁଜ): ମୋ କୁକୁର ବାହାରେ ବୁଲୁଥିଲା । ତାକୁ ମୁଁ ଘର ଭିତରକୁ ଆଣିବାକୁ ବାହାରକୁ ଯାଇଥିଲି । ହେଲେ ସେତେବେଳେ ହଠାତ୍ ୭ ରୁ ୮ ଜଣ ଯୁବକ ଆସି ମତେ ଟେକି ନେଇ ଗାଡି ଭିତରେ ପୁରାଇଦେଲେ । ମୋ ମୁହଁକୁ ବାନ୍ଧି ମତେ କୁଆଡେ ନେଇଗଲେ । କିଛି ଏମିତି କଥା କହି ଅପହୃତ ଶଙ୍କର୍ଷଣ ସାହୁ ବଖାଣିଛନ୍ତି ନିଜ ଅପହଣର କାହାଣୀ । ଏହା ସହିତ ସେ ଓଡିଶା ପୋଲିସ୍ ର ସାହସିକତା ଏବଂ ପଦକ୍ଷପକୁ ଭୁରି ଭୁରି ପ୍ରଶଂସା କରିଛନ୍ତି। କହିଛନ୍ତି ଓଡିଶା ପୋଲିସ୍ ର ତୁରନ୍ତ ପଦକ୍ଷପ ପାଇଁ ଆଜି ସେ ସୁରକ୍ଷିତ ଘରକୁ ଫେରିପାରିଛନ୍ତି ।
ରାଜଧାନୀରୁ କିଡନାପ୍ ଆଉ ଯାଜପୁରରୁ ଉଦ୍ଧାର ହୋଇଥିବା ଶଙ୍କର୍ଷଣ ସାହୁ ଶେଷରେ ସେଦିନର କାଳ ରାତି କଥା କହି ଛଳଛଳ ହୋଇଯାଇଛନ୍ତି । ସୂଚନା ମୁତାବକ, ଭୁବନେଶ୍ବର ପାତ୍ରପଡ଼ା କିଞ୍ଜଲ ଗାର୍ଡେନରୁ ଅପହୃତ ଶଙ୍କର୍ଷଣ ସାହୁଙ୍କୁ ଉଦ୍ଧାର କରିଛି ପୋଲିସ । ଯାଜପୁର ଜିଲ୍ଲା ଧର୍ମଶାଳ ଥାନା ଅରୁଆ ନିକଟ ଏକ ପରିତ୍ୟକ୍ତ ଘରୁ ଉଦ୍ଧାର ହୋଇଛନ୍ତି । ଅପହରଣ ପଛରେ ଅପହୃତ ଶଙ୍କର୍ଷଣ ସାହୁଙ୍କ ଡ୍ରାଇଭର ହେଉଛି ମୁଖ୍ୟ ଅଭିଯୁକ୍ତ । ଟଙ୍କା ପାଇଁ ଅପହରଣ ହୋଇଥିଲା । ଡ୍ରାଇଭର ସମେତ ୩ଜଣଙ୍କୁ ଗିରଫ କରିଛି ପୋଲିସ ।
ଏବେ ବି ଦୁଇ ଜଣ ଅଭିଯୁକ୍ତ ଫେରାର ଅଛନ୍ତି । ତେବେ ଡ୍ରାଇଭର ଲକି ଅଭିଯୋଗକାରୀ ସାଜି ଥାନାକୁ ଆସିଥିଲା ଅଭିଯୋଗ ଦେବା ପାଇଁ। କିନ୍ତୁ ପୋଲିସ ତାର ସବୁ ପ୍ଲାନକୁ ଭଣ୍ଡୁର କରିଦେଇଛି । ଅନ୍ୟପଟେ ଅପହୃତ ମାଲିକ ଶଙ୍କର୍ଷଣ ସାହୁ ଓରଫ୍ ପିଣ୍ଟୁଙ୍କୁ ଊଦ୍ଧାର କରାଯାଇଥିବା ବେଳେ ସେ ଗୁରୁତର ଅଛନ୍ତି। ତାଙ୍କୁ ଚିକିତ୍ସା ପାଇଁ କ୍ୟାପିଟାଲ୍ ହସ୍ପିଟାଲ୍ରେ ଭର୍ତ୍ତି କରାଯାଇଛି।
ସୂଚନା ମୁତାବକ OLA ଡ୍ରାଇଭର ଶଙ୍କର୍ଷଣ ସାହୁଙ୍କୁ ଗତକାଲି ରାତିରେ ଭୁବନେଶ୍ବର ପାତ୍ରପଡ଼ାରୁ ଅପହରଣ କରାଯାଇଥିଲା । ଅପହରଣକାରୀ ତାଙ୍କ ପତ୍ନୀଙ୍କ ନିକଟକୁ ଭିଡିଓ କଲ୍ କରିଥିଲେ। ତାଙ୍କୁ ମାଡ଼ ମାରିଥିବା ଦେଖାଇଥିଲେ। ଶଙ୍କର୍ଷଣଙ୍କୁ ଛାଡିବା ପାଇଁ ଦଶ ଲକ୍ଷ ଟଙ୍କା ଦାବି କରିଥିଲେ । ଟଙ୍କା ନଦେଲେ ପିଣ୍ଟୁଙ୍କୁ ଜୀବନରୁ ମାରିଦେବାକୁ ଧମକ ଦେଇଥିଲେ। ଏହା ପରେ ଭୟରେ ତାଙ୍କ ପତ୍ନୀ ପ୍ରଥମେ ୨ଲକ୍ଷ ଟଙ୍କା ପଠାଇଥିଲେ। ତେବେ ଟଙ୍କା ପଠାଇବା ପରେ ସେ ତୁରନ୍ତ ଖଣ୍ଡଗିରି ଥାନାକୁ ଯାଇ ଘଟଣା ସମ୍ପର୍କରେ ପୋଲିସକୁ ଜଣାଇଥିଲେ।
ଖବର ପାଇବା ମାତ୍ରେ ଖଣ୍ଡଗିରି ଥାନା ପୋଲିସ ଓ ସ୍ପେଶାଲ୍ ସ୍କ୍ବାର୍ଡ ପୋଲିସର ଦୁଇଟି ଟିମ୍ ଅପହର୍ତାଙ୍କୁ ଧରିବା ପାଇଁ ଲାଗି ପଡ଼ିଥିଲେ। ରାତାରାତି ୨ଟି ପୋଲିସ ଟିମ୍ ସେମାନଙ୍କ ଲୋକେସନ୍ ଟ୍ରାକିଂରେ ସଫଳ ହେବାପରେ ଯାଜପୁର ଅରୁଆରେ ପହଞ୍ଚି ଚଢ଼ଉ କରିଥିଲେ। ପୁଲିସକୁ ଦେଖି ଅଭିଯୁକ୍ତମାନେ ଛତ୍ରଭଙ୍ଗ ଦେଇଥିଲେ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…