କିସ୍ ପିଲାଙ୍କୁ ସ୍ଵେଟର ବଣ୍ଟନ କଲେ କିଟ୍ ଓ କିସ୍ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ

କିସ୍ ପିଲାଙ୍କୁ ସ୍ଵେଟର ବଣ୍ଟନ । ପ୍ରତିବର୍ଷ ଶୀତ ଋତୁରେ କିଟ୍ ଓ କିସ୍ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ କିସ ପିଲାଙ୍କ ପାଇଁ ଶୀତବସ୍ତ୍ର ବ୍ୟବସ୍ଥା କରିଥାନ୍ତି। ଏହି କ୍ରମରେ ଆଜି ପ୍ରତିଷ୍ଠାତା ଡ. ସାମନ୍ତ କିସ୍ ପିଲାମାନଙ୍କୁ ସ୍ଵେଟର ବଣ୍ଟନ କରିଛନ୍ତି।

ନାଲି ରଙ୍ଗର ସ୍ଵେଟର ପିନ୍ଧି କିସ୍ ପିଲାମାନେ ବେଶ୍ ସୁନ୍ଦର ଦିଶୁଥିଲେ। ଅନ୍ୟପକ୍ଷରେ ନିକଟରେ କିସରେ ରହି ପାଠ ପଢ଼ିବା ପାଇଁ କିସ ଆସିଥିବା ମୟୂରଭଞ୍ଜ ଜିଲ୍ଲାର ୪ ଅନାଥ ଭଉଣୀଙ୍କୁ ପ୍ରତିଷ୍ଠାତା ଡ. ସାମନ୍ତ ଭେଟି ସେମାନଙ୍କର ଭଲମନ୍ଦ ବୁଝିଥିଲେ।

ଏଣିକି ସେମାନଙ୍କର ଆଉ କୌଣସି ଅସୁବିଧା ହେବନାହିଁ ବୋଲି ଡ. ସାମନ୍ତ ସେମାନଙ୍କୁ ସାନ୍ତ୍ଵନା ଦେଇଥିଲେ। ଏହି ୪ ଭଉଣୀ ଅସମୟରେ ବାପାମାଆଙ୍କୁ ହରାଇ ବେସାହାରା ହୋଇ ଯାଇଥିଲେ। ପ୍ରତିଷ୍ଠାତା ଡ. ସାମନ୍ତ ସେମାନଙ୍କୁ ଦୁଃଖ ବିଷୟରେ ଜାଣିବା ପରେ କିସ୍ ଫାଉଣ୍ଡେସନ ପକ୍ଷରୁ ସେମାନଙ୍କର ସମସ୍ତ ନେଵାର ବ୍ୟବସ୍ଥା କରାଯାଇଥିଲା।