ଭୁବନେଶ୍ବର (କେନ୍ଯୁଜ୍) : କିଟ୍ ବିଶ୍ୱବିଦ୍ୟାଳୟର ୧୪ତମ ସମାବର୍ତ୍ତନ ଉତ୍ସବ ଅନୁଷ୍ଠିତ ହୋଇଛି। ମୁଖ୍ୟ ଅତିଥି ଭାବେ ରାଜ୍ୟପାଳ ପ୍ରଫେସର ଗଣେଶୀ ଲାଲ ଯୋଗ ଦେଇଥିଲେ । ଏହି ଅବସରରେ ବିଭିନ୍ନ କ୍ଷେତ୍ରରେ ପ୍ରତିଷ୍ଠିତ ୭ ଜଣ ବିଶିଷ୍ଟ ବ୍ୟକ୍ତିଙ୍କୁ ଡିଏସ୍ସି ଏବଂ ଡିଲିଟ୍ ଉପାଧି ପ୍ରଦାନ କରାଯାଇଛି। ସେମାନେ ହେଲେ ପ୍ରଫେସର ଏରନେଷ୍ଟୋ କାହାନ, ବାରୁନ୍ସ ଉଷା କୁମାରୀ ପ୍ରସାର, ନିକଲସ ସାମୁଏଲ ଗୁଗୁର, ପ୍ରଭୁ ଗୌରଗୋପାଳ ଦାସ, କବୀର ବେଦୀ, ଡଃ ମହମ୍ମଦ ସବୁର ଖାନ, ଏବେ ପ୍ରଫେସର ଦୀନବନ୍ଧୁ ସାହୁ ।
ଅଶିକ୍ଷା, ଦୁର୍ନୀତି, ଷଡଯନ୍ତ୍ର, କୂଟନୀତିର ଟ୍ରାପରେ ପଡନାହିଁ। କାହାକୁ ଅନୁସରଣ କରି ନିଜ ରାସ୍ତା ବାଛ ନାହିଁ। ନିଜେ ନିଜ ପାଇଁ ଉଦାହରଣ ସୃଷ୍ଟି କର। କିଟ୍ର ୧୪ ତମ ସମାବର୍ତ୍ତନ ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇ ଏହା କହିଛନ୍ତି ରାଜ୍ୟପାଳ ପ୍ରଫେସର ଗଣେଶୀ ଲାଲ। ଏ ମାଟିର ପୁଅ ଡ.ଅଚ୍ୟୁତ ସାମନ୍ତ। ଯିଏ କି କିଟ୍ ଓ କିସ୍ ପ୍ରତିଷ୍ଠା କରିଛନ୍ତି। ଓଡିଶା ଯେମିତି ମାନବିକତା ପାଇଁ ଜଣାଶୁଣା। ଠିକ୍ ସେହିଭଳି ଅଚ୍ୟୁତ ସାମନ୍ତ ବି ମାନବିକତା ପାଇଁ ବେଶ ପରିଚିତ ବୋଲି କହିଥିଲେ ପ୍ରଫେସର ଗଣେଶୀ ଲାଲ୍।
ସମାବର୍ତ୍ତନ ଉତ୍ସବରେ ଯୋଗ ଦେଇଥିଲେ ଶାନ୍ତିରେ ନୋବେଲ ପୁରସ୍କାର ପାଇଥିବା I PPNWର ପୂର୍ବତନ ଉପାଧ୍ୟକ୍ଷ ପ୍ରଫେସର ଏରନେଷ୍ଟ କାହାନ। ତାଙ୍କୁ ପ୍ରଦାନ କରାଯାଇଥିଲା ସମ୍ମାନଜନକ ଅନରିସ କାଜ ଡିଗ୍ରୀ। ସେ କହିଥିଲେ ସାରା ବିଶ୍ୱରେ ଅନେକ ସ୍ଥାନ ବୁଲିଛି। ହେଲେ କିଟ୍ ଓ କିସ୍ ଭଳି ଅନୁଷ୍ଠାନ ଦେଖିନାହିଁ।
ସେପଟେ ଜୀବନରେ ବହୁ ଶିକ୍ଷା ଲାଭ କରିଛି। ସବୁଠୁ ବଡ଼ ଶିକ୍ଷା କିସ୍ ଓ କିଟ୍ଠାରୁ ମିଳିଛି ବୋଲି କହିଛନ୍ତି, ସ୍ୱିସ ପାର୍ଲିଆମେଣ୍ଟିରିଆନ ନିକଲସ ସାମୁଏଲ ଗୁଗର। ଭାରତରେ ଜନ୍ମିତ ଗୁଗର, ସର୍ବନିମ୍ନ ମୌଳିକ ଅଧିକାରରୁ ବଂଚିତ ପିଲାଙ୍କ ପାଇଁ ଡକ୍ଟର ସାମନ୍ତଙ୍କ ଉଦ୍ୟମକୁ ବେଶ ପ୍ରଶଂସା କରିଥିଲେ।
ସେହିପରି ଜୀବନରେ ଆସୁଥିବା ସମସ୍ୟାକୁ କିଭଳି ସୁଯୋଗରେ ପରିବର୍ତ୍ତନ କରାଯାଏ ତାହା ଡକ୍ଟର ସାମନ୍ତଙ୍କଠାରୁ ଶିଖିବା ଦରକାର ବୋଲି କହିଥିଲେ ଆଧ୍ୟାତ୍ମିକ ଗୁରୁ ପ୍ରଭୁ ଗୌର ଗୋପାଳ ଦାସ।
କିଟ୍ ସମାବର୍ତ୍ତନ ଉତ୍ସବରେ ବିଭିନ୍ନ ବିଭାଗରେ ପିଏଚଡି ଲାଭ କରିଥିବା ୭୭ ଜଣ ଛାତ୍ରଛାତ୍ରୀଙ୍କୁ ଡିଗ୍ରୀ ପ୍ରଦାନ କରାଯାଇଥିଲା। କିଟ୍ ସମାବର୍ତ୍ତନ ଉତ୍ସବରେ ଚାନସେଲର ପ୍ରଫେସର ବେଦ ପ୍ରକାଶ, ପ୍ରୋ ଚାନସଲର ପଦ୍ମଶ୍ରୀ ପ୍ରଫେସର ସୁବ୍ରତ କୁମାର ଆଚାର୍ଯ୍ୟ, ଭାଇସ ଚାନସଲର ଡକ୍ଟର ହୃଷୀକେଶ ମହାନ୍ତି, ରେଜିଷ୍ଟ୍ରାର ପ୍ରଫେସର ସସ୍ମିତା ସାମନ୍ତ ପ୍ରମୁଖ ଏହି ଅବସରରେ ଉପସ୍ଥିତ ଥିଲେ।
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…
ଆଇସିସି ଟି୨୦ ବିଶ୍ୱ ସେମିଫାଇନାଲରେ ପ୍ରବେଶ କରି ଇତିହାସ ରିଚିଛି ଆଫଗାନିସ୍ତାନ ଟିମ୍ । ଅଷ୍ଟ୍ରେଲିଆକୁ ହରାଇ ଟି୨୦ ବିଶ୍ୱକପରୁ…
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…