ଲୁଟ ପାଇଁ ଲୁଟେରାଙ୍କ ବୀଭତ୍ସକାଣ୍ଡ, ସ୍ବାମୀକୁ ଗଛରେ ବାନ୍ଧି ସ୍ତ୍ରୀକୁ ହତ୍ୟା
ଲମତାପୁଟ : ଲୁଟ ପାଇଁ ଲୁଟେରାଙ୍କ ବୀଭତ୍ସକାଣ୍ଡ । ସ୍ବାମୀକୁ ଗଛରେ ବାନ୍ଧି ସ୍ତ୍ରୀକୁ ହତ୍ୟା । କୋରାପୁଟ ଜିଲ୍ଲା ନନ୍ଦପୁର ଥାନା କୁମାରଗନ୍ଧନା ହରିଆମୁଣ୍ଡା ଗାଁରେ ଏହି ଅଭାବନୀୟ ଘଟଣା ଘଟିଛି । ହରିଆ ମୁଣ୍ଡା ଗାଁର ମହେନ୍ଦ୍ର ଖରା ଓ ସ୍ତ୍ରୀ ସାବି ଖରା ଆଧାର କାର୍ଡ ଅପଡେଟ କରି ଘରକୁ ଫେରୁଥିବା ସମୟରେ ପାଞ୍ଚ ଜଣ ଦୃର୍ବୁତ୍ତ ହଠାତ୍ ପଛପଟୁ ଠେଙ୍ଗାରେ ଆକ୍ରମଣ କରିଥିଲେ । ଆକ୍ରମଣରେ ମହେନ୍ଦ୍ର ତଳେ ପଡ଼ି ଅଚେତ ହୋଇ ଯାଇଥିଲେ ।
ଏହା ଭିତରେ ଦୃର୍ବୁତ୍ତ ମାନେ ମହେନ୍ଦ୍ରଙ୍କୁ ଏକ ଗଛ ରେ ବାନ୍ଧି ସ୍ତ୍ରୀ ସାବି ଙ୍କୁ ହତ୍ୟାକରି ସମସ୍ତ ସୁନା ଗହଣା ଲୁଟି ଫେରାର ହୋଇ ଯାଇଥିଲେ । ମହେନ୍ଦ୍ରଙ୍କ ଚେତା ଫେରିବା ପରେ ଚିତ୍କାର କରିଥିଲେ । ଜଣେ ବାଇକ୍ ଆରୋହୀ ଘଟଣା ସମ୍ପର୍କରେ ନନ୍ଦପୁର ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି । ଆଜି କୋରାପୁଟରୁ ଏକ ସାଇଣ୍ଟିଫିକ ଟିମ୍ ପହଞ୍ଚି ଘଟଣାର ଅଧିକ ତଦନ୍ତ କରିବା ନେଇ ସୂଚନା ରହିଛି ।