ଭାଇରାଲ ହେଉଛି କୁଜଙ୍ଗ ବିଡିଓଙ୍କ ଦବଙ୍ଗଗିରି : ରାସ୍ତାରେ ଜଣେ ବ୍ଯକ୍ତିଙ୍କୁ ଚାପୁଡ଼ା ମାରିବା ସହିତ କଲେ ଟଣାଓଟରା

ପାରାଦୀପ (କେନ୍ୟୁଜ): କୁଜଙ୍ଗ ବ୍ଲକ ବିଡିଓଙ୍କ ଦବଙ୍ଗଗିରି । ରାସ୍ତାରେ ଜଣେ ବ୍ଯକ୍ତିଙ୍କୁ ଚାପୁଡ଼ା ମାରିବା ସହିତ କଲେ ଟଣାଓଟରା। କୁଜଙ୍ଗ ବ୍ଲକ ବିଡିଓ ସୋମ୍ଯଶ୍ରୀ ପାଣିଗ୍ରାହୀ। ଏଭଳି ଏକ ଭିଡିଓ ଭାଇରାଲ ହେଉଛି ସୋସିଆଲ ମିଡିଆରେ।

ସୂଚନା ମୁତାବକ ଆଜି ବିଡିଓ ଅଫିସକୁ ଯାଉଥିବା ସମୟରେ ଅଫିସ ସମ୍ମୁଖରେ ଜଣେ ବ୍ଯକ୍ତି ବିଡିଓଙ୍କୁ ଅସଭ୍ଯ ଭାଷାରେ ହଠା ଗାଳିଗୁଲଜ କରି ଚାଲିଯାଉଥିବା ସମୟରେ ବିଡିଓ ଉକ୍ତ ବ୍ଯକ୍ତିଙ୍କୁ ଅଟକାଇ ତାଙ୍କ ଗାଲକୁ ଚାପୁଡ଼ା ମାରିବା ସହିତ ତାଙ୍କୁ ଟଣାଓଟରା କରିଥିଲେ। ତେବେ ଘଟଣା ସ୍ଥଳରୁ ସେହି ବ୍ଯକ୍ତିଟି ଚାଲିଯାଉଥିବାର ଭିଡ଼ିଓରେ ଦେଖିବାକୁ ମିଳିଥିଲା।

ବିଡ଼ିଓଙ୍କୁ ଫୋନ ଯୋଗେ ଯୋଗାଯୋଗ କରିବାରୁ ବିଡିଓ କହିଥିଲେ ନିଶାସକ୍ତ ଅବସ୍ଥାରେ କିଛି କାରଣ ନ ଥାଇ ବ୍ଯକ୍ତି ଜଣଙ୍କ ମୋତେ ଅସଭ୍ଯ ଭାଷାରେ ଗାଳିଗୁଲଜ କରିଥିବାରୁ ମୁଁ ରାଗି ତା ଉପରକୁ ହାତ ଉଠାଇଥିଲି। ମୋର ହାତ ଉଠାଇବା ମୋର ନିଶ୍ଚିନ୍ତ ରୂପେ ଭୂଲ ହୋଇଛି। ତେବେ କଥା ଉଠୁଛି ତହସିଲ ଅଫିସ ନିକଟରୁ ମାତ୍ର ୫୦୦ ମିଟର ଦୂରରେ ପୋଲିସ ଷ୍ଟେସନ ଥିବା ବେଳେ କାହିଁକି ବିଡିଓ ଥାନାରେ ଅଭିଯୋଗ ନ କରି ଉକ୍ତ ବ୍ଯକ୍ତି ଉପରକୁ ହାତ ଉଠାଇଲେ ତାହାକୁ ନେଇ ଚର୍ଚ୍ଚା ଏବେ ଜୋର୍‌ ଧରିଛି। ତେବେ ଏ ନେଇ କାହା ପକ୍ଷରୁ ଥାନାରେ ଲିଖିତ ଅଭିଯୋଗ ହୋଇ ନଥିବା ଜଣାପଡିଛି।