ଯାଜପୁର(କେନ୍ୟୁଜ୍):ଯାଜପୁର ଥାନା ବରାହପୀଠ ନିକଟରେ ବୈତରଣୀ ନଦୀରେ ଚାଲିଥିବା ବ୍ୟାରେଜ କାମରେ ଭାସିଯାଇଥିବା ଜଣେ କାର୍ଯ୍ୟରତ ଶ୍ରମିକଙ୍କ ମୃତ ଶରୀର ଉଦ୍ଧାର ।ମୃତ ଶ୍ରମିକ ହେଲେ କଳାହାଣ୍ଡି ଜିଲ୍ଲାର ଶୋମନାଥ ପଟେଲ । ସେ ପ୍ରତିଦିନପରି କାର୍ଯ୍ୟସାରି ବୈତରଣୀରେ ଗାଧୋଇ ହୋଇ ଫେରନ୍ତି। ଆଜି ବୈତରଣୀରେ ହଠାତ ପାଣି ବଢିଯିବାରୁ ଏଭଳି ଅଭାବନୀୟ ଘଟଣା ଘଟିଛି।
ଯାଜପୁର ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ବହୁ ସମୟ ଖୋଜାଖୋଜି ପରେ ନଦୀ ଗର୍ଭରୁ ଶ୍ରମିକଙ୍କ ଶରୀର ଉଦ୍ଧାର କରି ଯାଜପୁର ମୁଖ୍ୟ ଚିକିତ୍ସାଳୟ ପଠାଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।