ଯାଜପୁର ଟାଉନ : ସ୍ଥାନୀୟ ଅଂଚଳର ଚାହିଦା ଏବଂ ବେକାରଙ୍କୁ ନିଯୁକ୍ତ ଦେବା ଉଦ୍ଦେଶ୍ୟରେ ଯାଜପୁରରେ ପ୍ରତିଷ୍ଠା ହୋଇଥିଲା ବିରଜା ଅଏଲ ମିଲ । ଏହାକୁ ଲାଗି ଏକା ସଂଗେ ଆରମ୍ଭ ହୋଇଥିଲା କାଷ୍ଠ ଶିଳ୍ପ ଏବଂ ଲୌହ କାରଖାନା । ରାଜ୍ୟ ସରକାରଙ୍କ କ୍ଷୁଦ୍ର ଶିଳ୍ପ ଯୋଜନାରେ ଏହି କାରଖାନା ଗୁଡିକ ଚାଲିବା ପରେ ଗତ ଦୁଇ ଦଶନ୍ଧିରୁ ଉର୍ଦ୍ଧ୍ବ ସମୟ ଧରି ବନ୍ଦ ପଡିଛି ଏହି କାରଖାନା । ନା ଏହି କାରଖାନାକୁ ପୁନଃଉଦ୍ଧାର କରିବାକୁ ସରକାର ଆଗ୍ରହ ଦେଖାଉଛନ୍ତି ନା ଏହାର ରକ୍ଷଣାବେକ୍ଷଣ କରାଯାଉଛି । କିନ୍ତୁ ଯାଜପୁର ସହରର ପେଣ୍ଠସ୍ଥଳିର ୩ ଏକରରୁ ଉର୍ଦ୍ଧ୍ବ ଜାଗା ଉପରେ ରହିଛି ଜମି ମାଫିଆଙ୍କ ନଜର । କାରଖାନାରେ ଲାଗିଥିବା ଯନ୍ତ୍ରାଂଶକୁ ଲୁଟିବା ସହିତ ଜାଗା ଜବରଦଖଲ କରିବା ପାଇଁ ଯୋଜନା କରାଯାଉଥିବା ଅଭିଯୋଗ ହୋଇଛି । ସେପଟେ ଏହି କାରଖାନାର ପୁନଃଉଦ୍ଧାର ପାଇଁ ଆମେ ରାଜ୍ୟ ସରକାରଙ୍କୁ ରିପୋର୍ଟ ପ୍ରଦାନ କରିଛୁ ବୋଲି ଜିଲାପାଳ କହିଛନ୍ତି ।
ଯାଜପୁର ସହରର ପ୍ରମୁଖ ସ୍ଥାନରେ ରହିଥିବା ବିରଜା ମିଲ,କାଷ୍ଠ ଶିଳ୍ପ ଏବଂ ଲୌହ କାରଖାନା ଅଂଚଳ ଏବେ ଭୂତକୋଠିରେ ପରିଣତ ହୋଇଛି । ଏହି କାରଖାନା ଗୁଡିକ ଦୀର୍ଘ ୨୦ ବର୍ଷରୁ ଉର୍ଦ୍ଧ୍ବ ହେବ ବନ୍ଦ ପଡିଛି । କାରଖାନା ଚାଲୁଥିବା ବେଳେ ସ୍ଥାନୀୟ ଅଂଚଳବାସୀ ବେଶ ଲାଭବାନ ହେଉଥିଲେ । ଏଥିସହିତ ବହୁ ପରିବାର ଆତ୍ମନିଯୁକ୍ତି ମଧ୍ୟ ପାଇଥିଲେ । କିନ୍ତୁ ସରକାରଙ୍କ ତୃଟିପୂର୍ଣ୍ଣ ପରିଚାଳନା ଯୋଗୁଁ କାରଖାନା ସଂପୁର୍ଣ୍ଣ ବନ୍ଦ ହୋଇଯାଇଛି । ବିଭିନ୍ନ କାରଖାନାରେ ଲାଗିଥିବା ଯନ୍ତ୍ରାଂଶ ଏବେ ଚୋରି ହୋଇଗଲାଣି । ପ୍ରାୟ ୩ ଏକରରୁ ଉର୍ଦ୍ଧ୍ବ ପରିମିତ ସ୍ଥାନରେ ଛିଡା ହୋଇଥିବା ଏହି କ୍ଷୁଦ୍ର କାରଖାନା ଗୁଡିକର ପୁନଃଉଦ୍ଧାର ପାଇଁ କୌଣସି ଉଦ୍ୟମ କରାଯାଇନାହିଁ ।
ଏହି କାରଖାନାକୁ ପୁନଃଉଦ୍ଧାର କରିବା ପାଇଁ ନିକଟରେ ଯୁବ କଂଗ୍ରେସ ପକ୍ଷରୁ ଦାବୀ କରାଯାଇଥିଲା । କାରଖାନା ଗୁଡିକ ବନ୍ଦ ଥିବା ବେଳେ ଏହାର ମୂଲ୍ୟବାନ ଜମିକୁ ହାତେଇବା ପାଇଁ ମାଫିଆ ମାନଙ୍କ ଲୋଲୁପ ଦୃଷ୍ଟି ପଡିଥିବା ଅଭିଯୋଗ ହୋଇଛି । ଯାଜପୁର ସଦର ମହକୁମାରେ ଅନେକ ସରକାରୀ ପ୍ରକଳ୍ପ ପାଇଁ ଜାଗାର ଅଭାବ ଦର୍ଶା ଯାଉଥିବା ବେଳେ ଏଠାରେ ଥିବା ମୂଲ୍ୟବାନ ଜମିକୁ କାହିଁକି ବ୍ୟବହାର କରାଯାଉନାହିଁ ବୋଲି ପ୍ରଶ୍ନବାଚି ସୃଷ୍ଟି ହୋଇଛି । ତୁରନ୍ତ ଏହି କାରଖାନା ଗୁଡିକୁ ପୁନଃଉଦ୍ଧାର କରି ଚଲାଯାଉ ନ ହେଲେ ସରକାର ଜମିକୁ ନିଜ ଅକ୍ତିଆରେ ରଖିବାକୁ ସାଧାରଣରେ ଦାବୀ ହୋଇଛି । ସେପଟେ ଏହି ପ୍ରକଳ୍ପର ପୁନଃଉଦ୍ଧାର ପାଇଁ ରାଜ୍ୟସରକାରଙ୍କୁ ଏକ ରିପୋର୍ଟ ପ୍ରଦାନ କରାଯାଇଛି ବୋଲି ଯାଜପୁର ଜିଲାପାଳ ସୂଚନା ଦେଇଛନ୍ତି ।
ରାଜଧାନୀ ଦିଲ୍ଲୀର ପ୍ରେମ୍ ନଗରରେ ଘଟିଛି ଏକ ଭୟାବହ ଅଗ୍ନିକାଣ୍ଡ । ଏଠାରେ ଘରେ ନିଆଁ ଲାଗି ପରିବାରର ୪…
ଆଇସିସି ଟି୨୦ ବିଶ୍ୱକପ ସେମିଫାଇନାଲରେ ପ୍ରବେଶ କରିଛି ଆଫଗାନିସ୍ତାନ । ବାଂଲାଦେଶକୁ ଡିଏଲଏସ ନିୟମରେ ହରାଇ ସେମିରେ ପ୍ରବେଶ କରିଛି…
ଅଯୋଧ୍ୟା: ସବୁ ପ୍ରତୀକ୍ଷାର ଅନ୍ତ ଘଟି ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ହୋଇସାରିଥିବାବେଳେ, ପ୍ରଭୁ ଶ୍ରୀରାମ ଅଯୋଧ୍ୟା ମନ୍ଦିରରେ…
ଆପଣ ପ୍ରତ୍ୟେକ ଦିନ ଅନେକ ରିଲ୍ସ ନିଶ୍ଚିତ ଦେଖୁଥିବେ । ଲୋକମାନେ ରିଲ୍ସ କରିବା ପାଇଁ ନିଜ ଜୀବନକୁ ବାଜି…
ପିପିଲି : ପାଣିରେ ଭାସୁଛନ୍ତି କୁଢ଼ କୁଢ଼ ମାଛ । ରାଜୁଆ ନଦୀରେ ମରି ପଡିଛନ୍ତି ମଲା ମାଛ ।…
ବିବାହ ସମାରୋହରେ ହେଲା ମହାଭାରତ । ବର ବାହା ହେବ କଣ ଗଣ୍ଡଗୋଳରେ ମାତିଗଲା । ଯିଏ ଯାହାକୁ ପାରିଲା…