ଝରକା ଗ୍ରିଲ ଭାଙ୍ଗି ଲୁଟି ନେଲେ ଲକ୍ଷାଧିକ ଟଙ୍କାର ସୁନା ଗହଣା, ସୁରାକ ଖୋଜୁଛି ସନ୍ଧାନୀ କୁକୁର
ଭଦ୍ରକ: ରାତିରେ ସବୁ ଶୋଇଥିଲା ବେଳେ କଳାକନା ବୁଲାଇଦେଲେ ଚୋର । ଘରର ଆଲମିରା ଭାଙ୍ଗି ପାଖାପାଖି ୧୦ରୁ ୧୨ ଲକ୍ଷ ଟଙ୍କାର ସୁନାଗହଣା ସହ ନଗଦ ଟଙ୍କା ଚୋରି କରି ନେଇଛନ୍ତି ଚୋର । ଘର ଉପର ତାଲାର ଝରକା ଗ୍ରିଲ ଭାଙ୍ଗି ଲୁଟି ନେଇଛନ୍ତି ଲକ୍ଷାଧିକ ଟଙ୍କାର ସୁନା ଗହଣା ଓ ନଗଦ ଟଙ୍କା । ଭଦ୍ରକ ଟାଉନ ଥାନା ଅଧିନ ଚରମ୍ପା ଧଳସାହିରେ ଘଟିଛି ଏଭଳି ଘଟଣା । ବିଳମ୍ବିତ ରାତିରେ ଝରକା ଗ୍ରିଲ୍ ଭାଙ୍ଗି ଘରେ କଳାକନା ବୁଲେଇ ଦେଲେ ଲୁଟେରା । ଶୁଭମ ପଟୱାରୀଙ୍କ ଘରେ କେହି ପୁରୁଷ ନଥିବାର ସୁଯୋଗ ନେଇ ଝରକା ଗ୍ରିଲ୍ ଭାଙ୍ଗି ଭିତରକୁ ପଶିଥିଲା ଚୋର । ପରେ ଆଲମିରା ଭାଙ୍ଗି ଲକ୍ଷାଧିକ ଟଙ୍କାର ସୁନା ଓ ରୂପା ଅଳଙ୍କାର ଓ ନଗଦ ଟଙ୍କା ଲୁଟି ନେଇଥିଲେ ଚୋର ।
ତେବେ ପାଖ ରୁମରେ ମା ଓ ଝିଅ ଶୋଇଥିଲେ ହେଁ ସେମାନେ ଘରେ ଚୋରି ହେଉଥିବା ନେଇ ଟେର୍ ବି ପାଇନଥିଲେ । ସକାଳୁ ଉଠିବା ପରେ ଚୋରି ହୋଇଥିବା ଜାଣି ପାରିଥିଲେ ଘରଲୋକେ । ଆନୁମାନିକ ୧୦ ଲକ୍ଷରୁ ଉର୍ଦ୍ଧ୍ୱ ଟଙ୍କା ଚୋରି ହୋଇଥିବା ଘରଲୋକ କହିଛନ୍ତି । ଖବର ପାଇ ଟାଉନ ଥାନା ପୋଲିସ ଘଟଣା ସ୍ଥଳରେ ପହଞ୍ଚିଥିଲା । ଘଟଣାସ୍ଥଳରେ ସାଇଣ୍ଟିଫିକ୍ ଟିମ ଓ ସନ୍ଧାନୀ କୁକୁର ସହାୟତାରେ ଅଧିକ ତଦନ୍ତ ଆରମ୍ଭ କରିଛି ପୋଲିସ । ତେବେ ଭଦ୍ରର ସହରାଞ୍ଚଳରେ ବାରମ୍ବାର ଏଭଳି ଚୋରି ଘଟଣା ନେଇ ଜନ ଅସନ୍ତୋଷ ବୃଦ୍ଧି ପାଇଛି ।
ପ୍ରତିଦିନ ଚୋରମାନେ ଚୋରି କରିବା ପାଇଁ ନୂଆ ନୂଆ ଉପାୟ ଆପଣାଉଛନ୍ତି । ଏ ଚୋରମାନେ ବି ନିଶ୍ଚିତ ଭାବେ ଘରକୁ ପୂର୍ବରୁ ଟାର୍ଗେଟ କରିଥିବେ । ଆଉ ଘରେ ପୁରୁଷ ଲୋକ ନଥିବାର ସୁଯୋଗ ନେଇ ଘରେ ଲୁଟ କରିଥିବା ସନ୍ଦେହ ହେଉଛି । ଏ ଚୋରଙ୍କ ବିତ୍ପାତ ଦିନକୁ ଦିନ ବଢ଼ିଚାଲିଛି । ଯଦି ଆପଣମାନେ ଏଭଳି ଚୋରଙ୍କ ଠାରୁ ବଞ୍ଚିବାକୁ ଚାହୁଁଛନ୍ତି ତେବେ ସତର୍କ ରୁହନ୍ତୁ । ଘରେ ସିସିଟିଭି ଲଗାନ୍ତୁ, ଯାହା ଦ୍ୱାରା ପୋଲିସ ଚୋରକୁ ଚିହ୍ନିବାରେ ସହଜ ହେବ ।
