କାର୍ କାଚ ଭାଙ୍ଗି ଲୁଟ୍ କରୁଥିବା ବେଳେ ଚୋରକୁ ଧରି ଛେଚିଲେ ଲୋକେ

ଭୁବନେଶ୍ବର (କେନ୍ୟୁଜ୍) : ଭୁବନେଶ୍ବର ଲିଙ୍ଗରାଜ ଥାନା ଅଞ୍ଚଳର ଘଟଣା । ଆଜି ଦିନ ବେଳା ଦୁଇ ଜଣ ଲୁଟେରା ଗୋଟିଏ କାର୍ କାଚ ଭାଙ୍ଗି ସେଥିରୁ ଲୁଟ୍ କରୁଥିବା ବେଳେ ସ୍ଥାନୀୟ ଲୋକଙ୍କ ହାତରେ ଧରାପଡ଼ିଥିଲେ । ସେମାନେ ଦୌଡ଼ି ପଳାଇବାକୁ ଚେଷ୍ଟା କରୁଥିବା ବେଳେ ଲୋକେ କାବୁ କରିନେଇଥିଲେ । ଜଣେ ଖସି ଯାଇଥିବା ବେଳେ ଆର ଜଣକୁ ପ୍ରବଳ ଛେଚିଥିଲେ ଲୋକେ । ପରେ ପୋଲିସକୁ ହସ୍ତାନ୍ତର କରିଥିଲେ । ତେବେ ଲିଙ୍ଗରାଜ ଥାନା ଅଧିକାରୀ କିନ୍ତୁ ମନା କଲେ ଆମ ଅଞ୍ଚଳର ମାମଲା ନୁହେଁ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା ।

କେବଳ ଲିଙ୍ଗରାଜ ଥାନା ଅଞ୍ଚଳ ନୁହେଁ ରାଜଧାନୀର ଅନ୍ୟ ଅଞ୍ଚଳରେ ମଧ୍ୟ ଏଭଳି ଘଟଣା ଘଟୁଥିବା ବେଳେ ପୋଲିସ୍ ଠିକଣା ପଦକ୍ଷେପ ନେଉନଥିବା ଲୋକେ ଅଭିଯୋଗ କରିଛନ୍ତି । ଦାଶହରା ପୂର୍ବରୁ ଏଭଳି ଅପରାଧୀଙ୍କ ଉପରେ ନଜର ରଖିଛି ବୋଲି ପୋଲିସ୍ କହୁଥିବା ବେଳେ ବାସ୍ତବ କ୍ଷେତ୍ରରେ କିନ୍ତୁ ସୁରକ୍ଷା ଦେଖିବାକୁ ମିଳୁ ନାହିଁ ।