ବ୍ରହ୍ମପୁର : ଗଞ୍ଜାମ ଜିଲ୍ଲା କୁକୁଡ଼ାଖଣ୍ଡି ବ୍ଲକ ଅନ୍ତର୍ଗତ ଗୁଣ୍ଠବନ୍ଧ ଗାଁର ମାଶାଣୀ ବନ୍ଧରେ ପାଣିରେ ବୁଡ଼ି ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି । ମୃତ ବ୍ୟକ୍ତି ଜଣକ ହେଲେ ବି.ତୁରୁବୁଡ଼ି ଗାଁର ବାବୁ ନାଇକ । ଗତକାଲି ସଂଧ୍ୟାରେ ମୃତ ବାବୁ ପୋଖରୀକୁ ଗାଧୋଇବାକୁ ଯାଇଥିବା ବେଳେ କୌଣସି ପ୍ରକାରେ ସେ ପାଣିରେ ବୁଡି ଯାଇଥିଲେ । ଏନେଇ ଗାଁ ଲୋକେ ଜାଣିବା ପରେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଗତକାଲି ରାତିରେ ଖୋଜାଖୋଜି କରିଥିଲେ ସୁଦ୍ଧା ମୃତ ଦେହ ମିଳିନଥିଲା । ଆଜି ସକାଳୁ ପୁଣି ଅଗ୍ନିଶମ କର୍ମଚାରୀମାନେ ଖୋଜି ବାବୁ ନାଇକଙ୍କ ମୃତ ଦେହ ଉଦ୍ଧାର କରିଥିଲେ । ମୃତକ ଜଣକ ନିଜ ଶ୍ୱଶୁର ଘର ଗୁଠବନ୍ଧକୁ ଆସିଥିବା ବେଳେ ତାଙ୍କରି ମୃତ୍ୟୁ ହୋଇଛି । ସଦର ଥାନା ପୋଲିସ ଏନେଇ ଏକ ଅପମୃତ୍ୟୁ ମାମଲା ରୁଜୁ କରି ତତନ୍ତ କରିବା ସହ ଶବ ବ୍ୟବଚ୍ଛେଦ ପାଇଁ ପଠାଇଛି ।
ନିଶ୍ଚିତ ପଢନ୍ତୁ ଏହି ସବୁ ଷ୍ଟୋରୀ