ନଦୀକୁ ମାଛ ଧରିବାକୁ ଯାଇଥିବା ବେଳେ ଖସିଲା ଅତଡା, ଜଣଙ୍କର ସଲୀଳ ସମାଧି
ଲମତାପୁଟ : ନଦୀକୁ ମାଛ ଧରିବାକୁ ଯାଇଥିବା ବେଳେ ଖସିଲା ଅତଡା । ଚାଲିଗଲା ଯୁବକଙ୍କ ଜୀବନ । ବରହମପୁର ଥାନା ଅଧୀନ କମଳା ନଦୀର ଭୋଗଦିଆ ଘାଟରେ କଣ୍ଟାବଣିଆ ଗାଁର ସାନୁ ସିଂ ଓ କିଛି ସାଥୀ ମାଛ ଧରିବାକୁ ଯାଇଥିବା ବେଳେ ଏହି ଅଘଟଣ ଘଟିଛି । ଘଟଣାସ୍ଥଳରେ ବରହମପୁର ପୋଲିସ ଓ ଅଗ୍ନିଶମ ବିଭାଗର କର୍ମଚାରୀ ପହଞ୍ଚି ସାନୁଙ୍କୁ ଉଦ୍ଧାର କରିଥିଲେ ।
ହେଲେ ସାନୁ ପାଣିରେ ଅଧିକ ସମୟ ବୁଡି ରହିବାରୁ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ସେପଟେ ନନ୍ଦପୁର ବ୍ଲକ ସୁର୍ମି ଗାଁର ସନାଇ ଶିସା ଲୁଗା ସଫା କରିବାକୁ ଗ୍ରାମ ନିକଟ ଥିବା ପୋଖରୀକୁ ଯାଇ ଥିଲେ । ସଫା କରିବା ସମୟରେ ପୋଖରୀରେ ଗୋଡ଼ ଖସି ନିଖୋଜ ହୋଇ ଯାଇ ଥିଲେ। ଘଟଣାସ୍ଥଳରେ ଜଲାପୁଟ ପୋଲିସ ଏବଂ ଲମତାପୁଟ ଅଗ୍ନିସମ ବାହିନୀ ଖୋଜାଖୋଜି କରିଥିଲେ । ଅଗ୍ନିଶମ ବାହିନୀ ମହିଳାଙ୍କ ମୃତଦେହ ଉଦ୍ଧାର କରିଛନ୍ତି ।