କଟକ ମଧୁବାବୁ ବ୍ରିଜ ଉପରୁ କେନାଲକୁ ଡେଇଁ ଯୁବକ ନିଖୋଜ
କଟକ : ବଢ଼ୁଛି, ପାଣିକୁ ଡେଇଁ ଆତ୍ମହତ୍ୟା ଉଦ୍ୟମ ପ୍ରବଣତା । ଆଉ ଜଣେ ଯୁବକ ପାଣିକୁ ଡେଇଁଲେ । କଟକ ମଧୁବାବୁ ବ୍ରିଜ ଉପରୁ କେନାଲକୁ ଡେଇଁ ନିଖୋଜ ହୋଇ ଯାଇଛନ୍ତି ଯୁବକ। ଚାଉଳିଆଗଞ୍ଜ ଅଗ୍ନିଶମ ଟିମ୍ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି । ଯୁବକଙ୍କୁ ଖୋଜୁଛି ଅଗ୍ନିଶମ ଟିମ୍ । ନିଖୋଜ ଯୁବକ ବିହାରର ସୂଚନା ରହିଛି । ତାଙ୍କ ନାଁ ବିତସ କୁମାର ଯାଦବ । ଗତ କିଛି ଦିନ ଭିତରେ ଏଭଳି ବହୁ ଘଟଣା ଘଟିଥିଲା । ରାଜ୍ୟର ବିଭିନ୍ନ ସ୍ଥାନରେ ନଦୀକୁ ଡେଇଁ ଆତ୍ମହତ୍ୟା ଉଦ୍ୟମ କରିଛନ୍ତି ଅନେକ ଲୋକ । ସେମାନଙ୍କ ଭିତରୁ କିଛି ଏବେ ବି ନିଖୋଜ ଅଛନ୍ତି ।
