ଅଜଣା ଗାଡି ଧକ୍କାରେ ଜଣେ ଯୁବକଙ୍କ ମୃତ୍ୟୁ, କ୍ଷତିପୂରଣ ଦାବିରେ ରାସ୍ତା ରୋକ ରାସ୍ତା ଅବରୋଧ
କାମାକ୍ଷାନଗର : ପରଜଙ୍ଗ ଥାନା ସରାଙ୍ଗ ସ୍ଥିତ ବ୍ରାହ୍ମଣୀ ବ୍ରିଜ ନିକଟରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା l ଅଜଣା ଗାଡି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି l ମୃତ ଯୁବକ ଜଣକ ପରଜଙ୍ଗ ଥାନା ଜହ୍ନପଡା ଗାଁର ଦିଲେଶ୍ଵର ସାହୁ ବୋଲି ଜଣାପଡିଛି l
ଦିଲେଶ୍ଵର କୌଣସି କାମରେ ଗାଁରୁ ଏକ ମୋଟର ସାଇକେଲ ଯୋଗେ ତାଳଚେର ଯାଉଥିବା ବେଳେ ବ୍ରାହ୍ମଣୀ ବ୍ରିଜ ନିକଟରେ ଏକ ଅଜଣା ଗାଡି ତାଙ୍କୁ ଧକ୍କା ଦେଇଥିଲା l ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଛି l ଦୁର୍ଘଟଣା ଖବର ପାଇ ସ୍ଥାନୀୟବାସିନ୍ଦା ଖଣ୍ଡ, ବିଖଣ୍ଡିତ ମୃତ ଦେହକୁ ରାସ୍ତାରେ ରଖି ରାସ୍ତା ଅବରୋଧ କରିଛନ୍ତି l
ଖବର ପାଇ ସରାଙ୍ଗ ଫାଣ୍ଡି ପୋଲିସ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ କରିବା ସହ ପରିସ୍ଥିତି ଉପରେ ଦୃଷ୍ଟି ରଖିଛି l ରାସ୍ତା ଅବରୋଧ ଫଳରେ ରାସ୍ତାର ଉଭୟପାର୍ଶ୍ଵରେ ଶହଶହ ଯାନବାହାନ ଅଟକି ରହିଥିବା ବେଳେ ଯାଜପୁରରୁ ଅନଗୁଳ ଯାତାୟାତ ବନ୍ଦ ରହିଛି l
