ପୂର୍ବ ଶତ୍ରୁତାକୁ କେନ୍ଦ୍ର କରି ଯୁବକକୁ ହତ୍ୟା

ଜଗତସିଂହପୁର(କେନ୍ୟୁଜ) : ପୂର୍ବ ଶତ୍ରୁତାକୁ କେନ୍ଦ୍ର କରି ଯୁବକକୁ ହତ୍ୟା । ଦିନ ଦିପହରରେ ଏଭଳି ଏକ ଅଭାବନୀୟ ଘଟଣା ଘଟିଛି ଜଗତସିଂହପୁର ଜିଲ୍ଲା ବାଲିକୁଦା ଥାନା ଅଧିନସ୍ତ କୋଶୀଦା ଗ୍ରାମରେ । ସୂଚନାରୁ ଜଣାପଡ଼ିଛି ଯେ ହତ୍ୟାର ଶିକାର ହୋଇଥିବା ବ୍ୟକ୍ତି ଜଣକ କୋଶୀଦା ଗ୍ରାମର ପ୍ରହଲ୍ଲାଦ ଦାସ ।  ସୂଚନାମୁତାବକ ହତ୍ୟାକାରୀ ହେଉଛନ୍ତି ନାରଦିଆ ଗ୍ରାମର ବାନା ଦାସ ।

କୋଶିଦା ଛକ ନିକଟରେ ହତ୍ୟାକାରୀ ବାନା ଦାସ ଏକ କଟୁରି ସାହାଯ୍ୟରେ ପ୍ରହଲ୍ଲାଦ ଦାସଙ୍କୁ ହତ୍ୟା କରିଥିବା ଜଣାପଡ଼ିଛି । ପରେ ବାଲିକୁଦା ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ଗ୍ରାମବାସୀଙ୍କ ସହାୟତାରେ ଆସାମୀକୁ ଧରିବା ସହ ତଦନ୍ତ ଆରମ୍ଭ କରିଛି ।