କଲେଜ ସାରି ଘରକୁ ଫେରୁଥିବା ବେଳେ ଏମିତି ପଦକ୍ଷେପ ନେଉଥିଲେ ଛାତ୍ରୀ, କିନ୍ତୁ ଜୀବନକୁ ବାଜି ଲଗାଇ ଉଦ୍ଧାର କଲେ ଯୁବକ
କଲେଜ ସାରି ଘରକୁ ଫେରୁଥିଲେ ଛାତ୍ରୀ କିନ୍ତୁ କଣ ହେଲା କେଜାଣି ହଠାତ ଚରମ ପଦକ୍ଷେପ ନେବା ପାଇଁ ଉଦ୍ୟମ କଲେ । ଘରୁ ଖାଇ ପିଇ କଲେଜେ ଯାଇଥିଲେ କିନ୍ତୁ ଏମିତି ନିଷ୍ପତି କାହିଁକି ନେଲେ ? କଣ ଏମିତି ହୋଇଗଲା ଯେ ସିଧା ଉଛୁଳା ନଈ ଭିତରେ ପଡିଗଲେ । କଲେଜ ଛାତ୍ରୀ ଜଣକ ସିନା ଏମିତି ପଦକ୍ଷେପ ନେବାକୁ ବାହାରିଥିଲେ । କିନ୍ତୁ କଥାରେ ନାହିଁ ରଖେ ହରି ତା ମାରେ କିଏ ? ଛାତ୍ରୀଙ୍କ ଏଭଳି କାମ ଦେଖି ସାଙ୍ଗ ମାନେ ଚଳେଇବାକୁ ଲାଗିଲେ କିଏ ଅଛ ଧାଇଁ ଆସରେ ଆମ ସାଙ୍ଗ ବୁଡିଗଲା । ତାକୁ କେହି ଉଦ୍ଧାର କର । ଏମିତି ଚିତ୍କାର ଶୁଣି ପାଖରେ ଥିବା ଏହି ଯୁବକଙ୍କ ଜଣକ ନଦୀ ଭିତରକୁ ଡେଇଁ ପଡ଼ିଥିଲେ ଉଦ୍ଧାର ପାଇଁ । ନିଜ କଥା ଟିକେ ବି ଭାବିଲେନି । ଆଉ ନିଜ ଜୀବନକୁ ବାଜି ଲଗାଇ ସିଧା ଉଛୁଳା ନଈକୁ ଲମ୍ଫ ମାରିଲେ । ଆଉ ତାଙ୍କର ଚେଷ୍ଟା ବି ବିଫଳ ହେଲାନି । ଛାତ୍ରୀଙ୍କୁ ଉଦ୍ଧାର କରିବାରେ ସଫଳ ହେଲେ ଯୁବକ ।
କଟକ ଜିଲ୍ଲା ମାହାଙ୍ଗା ବ୍ଲକ କୁଆଁପାଳରେ ଘଟିଛି ଏମିତି ଅଭାବନୀୟ ଘଟଣା । ନିକଟସ୍ଥ କଲେଜର +୩ ଛାତ୍ରୀ କଲେଜ ସାରି ଘରକୁ ଫେରୁଥିବା ବେଳେ ପସୁଲୁଣ୍ଡା ସ୍ଥିତ ଗୋବରୀ ପୋଲ ଉପରୁ ଉଛୁଳା ପାଣିରେ ଜୀବନ ହାରିବା ପାଇଁ ଉଦ୍ୟମ କରିଥିଲେ । ଅନ୍ୟ ଛାତ୍ରୀମାନେ ଦେଖି ଡାକ ପକାଇବାରୁ ନିକଟରେ ଥିବା ସ୍ଥାନୀୟ ଗଙ୍ଗପୁରା ଗାଁର ଯୁବକ କ୍ଷୀରୋଦ ଜେନା ଦୌଡ଼ି ଆସି ଛାତ୍ରୀକୁ ଉଦ୍ଧାର କରିବା ପାଇଁ ନଦୀକୁ ଡେଇଁ ଥିଲେ । ଛାତ୍ରୀଟି ବୁଡି ଯାଉଥିବା ବେଳେ କ୍ଷୀରୋଦ କୌଶଳ କରି ଗାମୁଛାରେ ତାର ହାତକୁ ବାନ୍ଧି ପହଁରି ପହଁରି କୂଳକୁ ଆଣିଥିଲେ । ସେତେବେଳକୁ ଛାତ୍ରୀ ଜଣକ ପାଣି ପି ଅଚେତ ହୋଇପଡିଥିଲେ । ତୁରନ୍ତ କୁଆଁପାଳ ଦମକଳ ବାହିନୀ କର୍ମଚାରୀ ସେଠାରେ ପହଂଚି ଆହତ ଛାତ୍ରୀଙ୍କୁ ମାହାଙ୍ଗା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଚିକିସ୍ଛା ନିମନ୍ତେ ନେଇଥିଲେ । ଛାତ୍ରୀଙ୍କ ଘର ସ୍ଥାନୀୟ କାଳିଅଣ୍ଟି ଗାଁର ବୋଲି ଜଣାପଡ଼ିଛି । ତେବେ କଣ ପାଇଁ ଛାତ୍ରୀ ଜଣଙ୍କ ଏଭଳି କରିବାକୁ ଚେଷ୍ଟା କରିଥିଲେ ତାହା ଜଣା ପଡ଼ିନାହିଁ ।
ଛାତ୍ରୀ ଜଣକ କାହିଁକି ଏମିତି କଲେ ତାହା ତ ଜଣା ନାହିଁ । କିନ୍ତୁ ଏମିତି ନିଷ୍ପତି ନେବା କେତେ ଯେ ବଡ ଭୁଲ ତା ନକହିବା ଭଲ । ମାନସିକ ଦୁଶ୍ଚିନ୍ତା ଥିଲେ ସାଙ୍ଗ ସାଥି ବାପା ମା ଙ୍କୁ ଜଣାନ୍ତୁ କିନ୍ତୁ ଏଭଳି ନିଷ୍ପତ୍ତି ଭୁଲରେ ମଧ୍ୟ ନିଅନ୍ତୁ ନାହିଁ ।
