ସ୍ୱାଭିମାନ ଅଞ୍ଚଳରେ ପୁଣି ଲାଗିଲା ମାଓ ବିରୋଧୀ ପୋଷ୍ଟର
ମାଲକାନଗିରି: ମାଲକାନଗିରି ଜିଲ୍ଲାରେ ଲାଗିଲା ମାଓ ବିରୋଧୀ ପୋଷ୍ଟେର । ସ୍ୱାଭିମାନ ଅଞ୍ଚଳର ସାରକୁବନ୍ଧ, ଯନ୍ତାପାଇ,ବଣ୍ଡଘାଟିରେ ଲାଗିଛି ପୋଷ୍ଟେର । ଆଦିବାସୀ ସୁରକ୍ଷା ମଞ୍ଚ ପକ୍ଷରୁ ଏହି ପୋଷ୍ଟେର ଲାଗିଛି । ଆଦିବାସୀ ଯୁବକ ଯୁବତୀ ମାନଙ୍କୁ ମିଛ ପ୍ରଲୋଭନ ଦେଖାଇ ଦଳରେ ସାମିଲ କରି ନିର୍ଯାତନା ଦେଉଛନ୍ତି । ମୁଖ୍ୟତଃ ଯୁବତୀ ମାନଙ୍କୁ ଅଧିକା ନିର୍ଯ୍ୟାତନା ଦେଉଥିବା ପୋଷ୍ଟରରେ ଉଲ୍ଲେଖ ରହିଛି । ତୁରନ୍ତ ସଂଗଠନ ଛାଡି ଆଦିବାସୀ ଯୁବକ ଯୁବତୀ ମାନଙ୍କୁ ମୁଖ୍ୟସ୍ରୋତରେ ସାମିଲ ହେବା ପାଇଁ ଆଦିବାସୀ ସୁରକ୍ଷା ମଞ୍ଚ ପକ୍ଷରୁ ଆହ୍ୱାନ ଦିଆଯାଇଛି । ଆବଶ୍ୟକ ପଡ଼ିଲେ ମାଓବାଦୀଙ୍କ ବିରୋଧରେ ହତିଆର ଉଠାଇବେ ବୋଲି ମଞ୍ଚ ପକ୍ଷରୁ ଚେତାବନୀ ଦିଆଯାଇଛି ।
