ଗଞ୍ଜେଇ ଚୋରା ଚାଲାଣ, ୧୫ କିଲୋ ଗଞ୍ଜେଇ ସହ ଦୁଇ ଗିରଫ
ରାଇଘର : ଗଞ୍ଜେଇ ଚୋରା ଚାଲାଣ ବେଳେ ମାଡି ବସିଲା ପୋଲିସ୧୫ କିଲୋ ଗଞ୍ଜେଇ ସହ ଦୁଇ ଗିରଫ । ରାଇଘର ପୋଲିସ ବିଶେଷ ସୂତ୍ରରୁ ଖବର ପାଇ ରାଇଘର -କୁନ୍ଦେଇ ମୁଖ୍ୟ ରାସ୍ତା ଗଞ୍ଜାପରା ସ୍ଥିତ ସରକାରୀ ଶିଳ୍ପ ତାଲିମ କେନ୍ଦ୍ର ନିକଟରେ ଥିବା ବିଶ୍ରାମ ଗୃହରେ ଦୁଇ ଅଜଣା ବ୍ୟକ୍ତିଙ୍କୁ ଦେଖି ସେମାନଙ୍କ ବ୍ୟାଗ ସବୁ ଯାଞ୍ଚ କରିଥିଲେ ଏହି ସମୟରେ ଯୁବକଙ୍କ ନିକଟରେ ଥିବା ତିନୋଟି ବ୍ୟାଗରୁ୧୫ କିଲୋ ଗଂଜେଇ ଜବତ କରିଛି ରାଇଘର ପୋଲିସ ।
ଦୁଇ ଜଣ ଯୁବକ ଜୟପୁର ଠାରୁ ରାୟପୁର ଯିବାକୁ ଥିବା ବସକୁ ଅପେକ୍ଷା କରୁଥିବା ଅନୁମାନ କରାଯାଉଛି । ଗଞ୍ଜେଇ ଚୋରା ଚାଲାଣ କରୁଥିବା ଦୁଇ ଯୁବକ ହରିୟାଣା ରାଜ୍ୟର ଇସାରା ଜିଲ୍ଲାର ରାଜଥଲ ଗ୍ରାମର ରାଜେନ୍ଦ୍ର ସିଂ ଓ ବଲଜିତ କୁମାର ସିଂ ବୋଲି ସୂଚନା ମିଳିଛି । ରାଇଘର ତହସିଲଦାରଙ୍କ ଉପସ୍ଥିତିରେ ରାଇଘର ଥାନା ସବ ଇନିସ୍ପେକ୍ଟର ମନୋଜ କୁମାର ବେହେରା ଗଞ୍ଜେଇ ଚାଲାଣ କରୁଥିବା ଦୁଇ ଅଭିଯୁକ୍ତଙ୍କୁ ଅଟକ ରଖି ଅଧିକ ତଦନ୍ତ କରୁଛି ।
