ଜୋତା,ସାଇକେଲ ରଖି ନଦୀକୁ ଡେଇଁ ପଡ଼ିଲେ ନାବାଳକ, ଓଡ୍ରାଫ୍ ଟିମ୍ ପକ୍ଷରୁ ଚାଲିଛି ଖୋଜାଖୋଜି

ଜଗତସିଂହପୁର(କେନ୍ୟୁଜ୍‌): ନଦୀକୁ ଡେଇଁ ପଡ଼ିଲେ ନାବାଳକ ନିଖୋଜ । ଜଗତସିଂହପୁର ଜିଲ୍ଲା ପାରାଦୀପ ଅଠରବାଙ୍କି ନିକଟସ୍ଥ କାଉଡ଼ିଆ ନଦୀରେ ଏଭଳି ଘଟଣା ଘଟିଛି । ନିଖୋଜ ନାବାଳକର ଘର ଲକପଡ଼ାରେ ହୋଇଥିବା ବେଳେ ତାର ନାମ ତ୍ରିଲୋଚନ ଲେଙ୍କା  । ତାଙ୍କ ବୟସ ୧୬ ବର୍ଷ ।  ଚଳିତ ବର୍ଷ ଦଶମ ପରୀକ୍ଷା ଦେଇଛନ୍ତି । ଆଜି ଅପରାହ୍ଣରେ ସେ ଓଭରବ୍ରିଜ୍ ଉପରେ ଡ୍ରେସ୍, ସାଇକେଲ, ଜୋତା ରଖି ନଦୀକୁ ଡେଇଁ ପଡ଼ିଥିବାର କୁହାଯାଉଛି । ଛାତ୍ରଙ୍କୁ ସ୍ଥାନୀୟ ଅଗ୍ନିଶମ ବିଭାଗ ଓ ଓଡ୍ରାଫ୍ ଟିମ୍ ପକ୍ଷରୁ ଖୋଜାଖୋଜି ଉଦ୍ୟମ ଜାରି ରହିଛି। ଏପଟେ ଛାତ୍ର ଜଣଙ୍କ ନଦୀକୁ ଡେଇଁ ପଡ଼ିବାର କାରଣ ଜଣାପଡିନାହିଁ । ଏନେଇ ଓଭରବ୍ରିଜ୍ ଉପରୁ ମୋବାଇଲ ଓ ପୋଷାକକୁ ପୋଲିସ ଜବତ କରି ତଦନ୍ତ ଚଳାଇଛି ।