ଟ୍ରାକ୍ଟର ଧକ୍କାରେ ନାବାଳକ ମୃତ, ଘଟଣା ସ୍ଥଳରେ ଉତ୍ତେଜନା
କଣ୍ଟାବାଞ୍ଜି : ମୁରିବାହାଲ ଥାନା ପତ୍ରାପାଲି ପଞ୍ଚାୟତର ଲେରପଡା ଛକ ନିକଟରେ ଟ୍ରାକ୍ଟର ଧକ୍କାରେ ଜଣେ ବାଳକ ର ମୃତ୍ୟୁ ଘଟିଛି । ପତ୍ରାପାଲି ପଞ୍ଚାୟତ ଖପାଦର ଗ୍ରାମର ସଂଜୀବ ପୁଟେଲଙ୍କ ପୁଅ ହେଉଛନ୍ତି ପିତାମ୍ବର ପୁଟେଲ । ବୟସ ତେର ବର୍ଷ । ସେ ଜାମୁଟ ଗ୍ରାମକୁ ଏକ ଦଶାହ କାର୍ଯ୍ୟରେ ଯୋଗ ଦେବାକୁ ସାଇକେଲରେ ଯାଇଥିଲେ । ସାଇକେଲ ଯୋଗେ ନିଜ ଗ୍ରାମକୁ ଫେରୁଥିବା ବେଳେ ଜାମୁଟ-ବଙ୍ଗୋମୁଣ୍ଡା ରାସ୍ତାର ଲେରପଡା ଛକ ନିକଟରେ ଘଟିଥିଲା ଏକ ଦୁର୍ଘଟଣା ।
ଦୃତ୍ ଗତିରେ ସାମ୍ନାପଟରୁ ଆସୁଥିବା ଏକ ଟ୍ରାକ୍ଟର ଧକ୍କା ଦେବାରୁ ଘଟଣା ସ୍ଥଳରେ ନାବାଳକର ମୃତ୍ୟୁ ଘଟିଥିଲା । ସମ୍ପର୍କୀୟ ଲୋକେ ପହଁଞ୍ଚି କ୍ଷତିପୂରଣ ଦାବିରେ ରାସ୍ତା ଅବରୋଧ କରିଛନ୍ତି । ଘଟଣା ସ୍ଥଳରେ ଚାପା ଉତ୍ତେଜନା ଲାଗିରହିଛି । ବଙ୍ଗୋମୁଣ୍ଡା ଓ ମୁରିବାହାଲ ପୋଲିସ ଘଟଣା ସ୍ଥଳକୁ ପହଁଞ୍ଚି ତଦନ୍ତ ଆରମ୍ଭ କରିଛି ।
