ଅଙ୍ଗନୱାଡ଼ି କର୍ମୀଙ୍କୁ ମରଣାନ୍ତକ ଆକ୍ରମଣ, ଡାକ୍ତରଖାନାରେ ଭର୍ତ୍ତି
ବାଙ୍କୀ : ଅଙ୍ଗନୱାଡ଼ି କର୍ମୀଙ୍କୁ ମାଡ଼ । ଏମିତି ଅଭାବନୀୟ ଘଟଣା ଘଟିଛି ଅନୁଆରୀ ଅଙ୍ଗନୱାଡ଼ି କେନ୍ଦ୍ରରେ । ପ୍ରତିଦିନ ଭଳି ବାଙ୍କୀ ବ୍ଲକ୍ ଅନୁଆରୀ ଅଙ୍ଗନୱାଡ଼ି କେନ୍ଦ୍ରର କର୍ମୀ ଆଜି ସକାଳୁ ନିଜ ଘର୍ ଧଳାପଥରରୁ ନିଜ ସ୍କୁଟିରେ ଅନୁଆରି ଅଙ୍ଗନୱାଡ଼ି କେନ୍ଦ୍ରକୁ ଆସୁଥିଲେ । ଚାରିଛକ୍ ରାସ୍ତା ନିକଟରେ ଯାଉଥିବା ବେଳେ ବରପୁଟ କାଜୁ ଜଙ୍ଗଲ ନିକଟରେ କିଛି ଦୁର୍ବୃତ୍ତ ତାଙ୍କୁ ଆକ୍ରମଣ କରିଥିଲେ । ରାସ୍ତାରେ ଯାଉଥିବା ଲୋକେ ତାଙ୍କୁ ଆମ୍ବୁଲାନ୍ସ ଯୋଗେ ଖୋର୍ଦ୍ଧା ଡାକ୍ତରଖାନାକୁ ଚିକିତ୍ସା ପାଇଁ ପଠାଇଥିବା ଜଣାଯାଇଛି । ଖବର ପାଇ ବୈଦେଶ୍ୱର୍ ପୋଲିସ ପହଞ୍ଚି ପାରିପାର୍ଶ୍ୱିକ ସ୍ଥିତ ଅନୁଧ୍ୟାନ କରୁଛି । କାହିଁକି ଏଭଳି ଆକ୍ରମଣ ଘଟିଲା କାରଣ ଅସ୍ପଷ୍ଟ ରହିଛି ।
