ସ୍ପଷ୍ଟ ଦିବାଲୋକରେ ଲୁଟ, ମାରଣାସ୍ତ୍ର ଦେଖାଇ ଲୁଟିନେଲେ ୭ ଲକ୍ଷ ୩୦ ହଜାର ଟଙ୍କା

କଣ୍ଟାବାଞ୍ଜି : ସ୍ପଷ୍ଟ ଦିବାଲୋକରେ ଲୁଟ , ମାରଣାସ୍ତ୍ର ଦେଖାଇ ନେଇଗଲେ ଟଙ୍କା ଭର୍ତ୍ତି ବ୍ୟାଗ । ଦିନ ଦ୍ବିପହରରେ ଲୁଟିନେଲେ ୭ ଲକ୍ଷ ୩୦ ହଜାର। ବଲାଙ୍ଗିର ଜିଲ୍ଲା ମୁରିବାହାଲ ଥାନା ଅଞ୍ଚଳରୁ ଲୁଟ୍ ହୋଇଛି । ପଟାମରା ଗାଁର ଲଳିତ ଗହୀର ଓ ତାଙ୍କ ଭଉଣୀଙ୍କ ନିକଟରୁ ଲୁଟ୍ ହୋଇଛି । ଲଳିତ ଓ ତାଙ୍କ ଭଉଣୀ ହଳଦୀ ଗାଁରେ ଥିବା ଏକ ବ୍ୟାଙ୍କକୁ ଟଙ୍କା ଭର୍ତ୍ତି ବ୍ୟାଗ ନେଇ ଯାଉଥିବା ବେଳେ ଲୁଟର ଶିକାର ହୋଇଛନ୍ତି । ଏକ ସ୍କୁଟିରେ ୩ ଜଣ ଯୁବକ ଆସି ଉଭୟ ଭାଇ ଭଉଣୀଙ୍କୁ ମାରଣାସ୍ତ୍ର ଦେଖାଇ ଟଙ୍କା ଭର୍ତ୍ତି ବ୍ୟାଙ୍ଗ ଲୁଟି ଫେରର ହୋଇଯାଇଛନ୍ତି । ଖବର ପାଇ ମୁରିବାହାଲ ପୋଲିସ ପହଞ୍ଚି ତଦନ୍ତ ଚଳାଇଛି ।