ସାଇଡ ମରାକୁ ନେଇ ଗଣ୍ଡଗୋଳ, ମୋ ବସ୍ ଏବଂ ପିକଅପ ଭ୍ୟାନ ଡ୍ରାଇଭର ମୁହାଁମୁହିଁ

ରାଜନଗର: ମୋ ବସ୍ ଏବଂ ପିକଅପ ଭ୍ୟାନ ଡ୍ରାଇଭର ମୁହାଁମୁହିଁ । ସାଇଡ ମରାକୁ ନେଇ ଗଣ୍ଡଗୋଳ ଏବଂ ପିଟାପିଟି ହୋଇଛନ୍ତି । ରାଜନଗର ମହୁଲିଆ କଣି ଛକ ନିକଟରେ ଦେଖିବାକୁ ମିଳିଛି ଏପରି ଘଟଣା । ଛକରେ ପିକ ଅପ ଭ୍ୟାନକୁ ସାଇଡ ମାରିଥିଲା ମୋ ବସ । ଏହାକୁ ନେଇ ଘଟଣାସ୍ଥଳରେ ଦେଖିବାକୁ ମିଳିଥିଲା ତୁମୁଳକାଣ୍ଡ । ପରସ୍ପରକୁ ପିଟି ଥିଲେ ମୋ ବସ୍ ଏବଂ ପିକଅପ ଡ୍ରାଇଭର । କେହି କାହାକୁ ଛାଡିବାକୁ ଥିଲେ ନାରାଜ ।

ପରେ ଘଟଣା ସ୍ଥଳରେ ପହଞ୍ଚିଥିଲେ ପିକଅପ ଭ୍ୟାନର ମାଲିକାଣୀ । ତାଙ୍କୁ ଦୁର୍ବ୍ୟବହାର କରିବା ସହ ମୋ ବସ ଡ୍ରାଇଭର ଆକ୍ରମଣ କରିବାକୁ ଉଦ୍ୟମ କରିଥିଲେ । ଯାହାକୁ ନେଇ ଉତ୍ୟକ୍ତ ହୋଇଥିଲେ ଜନତା । ଏହା ପରେ ମୋ ବସ୍ ଡ୍ରାଇଭରକୁ ଦେଇଥିଲେ ଉତ୍ତମ ମଧ୍ୟମ । ଏନେଇ ଉଭୟ ପକ୍ଷରୁ ରାଜନଗର ଥାନାରେ ଅଭିଯୋଗ ହୋଇଛି ।