ସମ୍ବଲପୁରରେ ‘ମୋ ବସ୍’ କର୍ମଚାରୀଙ୍କ ଆନ୍ଦୋଳନ, ବିଭିନ୍ନ ରୁଟ୍ରେ ଗଡ଼ୁନି ଗାଡି
ସମ୍ବଲପୁର: ସମ୍ବଲପୁରରେ ମୋ ବସ୍ ଡ୍ରାଇଭର ତଥା କର୍ମଚାରୀଙ୍କ ଆନ୍ଦୋଳନ । ଆନ୍ଦୋଳନ ଫଳରେ ସମ୍ବଲପୁର ଅଇଁଠାପାଲିରେ ଅଟକି ରହିଛି ବସ୍ । ଆନ୍ଦୋଳନ ଫଳରେ ଆଜି ବସ୍ ସେବା ବ୍ଯାହତ ହୋଇଛି ।
ବିଭିନ୍ନ ଦାବି ନେଇ ଡ୍ରାଇଭର ଓ ବସ୍ କର୍ମଚାରୀ ଆନ୍ଦୋଳନରୁ ଓହ୍ଲାଇଛନ୍ତି । ଜିଏମ କଲେଜ ଛକରେ ଜଣେ ବ୍ଯକ୍ତି ବସ୍ ଡ୍ରାଇଭରଙ୍କୁ ଗାଲିଗୁଲଜ ସହ ଧମକଚମକ ଦେଇଥିବା ଅଭିଯୋଗ ପରେ ବି ମୋ ବସ୍ ସେବା କର୍ତ୍ତୃପକ୍ଷ କୌଣସି କାର୍ଯ୍ଯାନୁଷ୍ଠାନ ଗ୍ରହଣ ନକରିବା, ଓଲଟା ଡ୍ରାଇଭରଙ୍କୁ କାମରୁ ବାହାର କରିବା, ଷ୍ଟପେଜରେ ଗାଡି ରଖିବାକୁ ନେଇ କର୍ତ୍ତୃପକ୍ଷ ଡ୍ରାଇଭରଙ୍କୁ ଗାଳି କରିବା , ପବ୍ଲିକ ଅଭିଯୋଗରେ ଏକ ପାଖିଆ କାର୍ଯ୍ଯାନୁଷ୍ଠାନକୁ ବିରୋଧ କରି ଆଜି ଆନ୍ଦୋଳନକୁ ଓହ୍ଲାଇଛନ୍ତି । ଫଳରେ ଆଜି ସବୁ ମୋ ବସ୍ ବନ୍ଦ ରହିଛି ।
