ନୂଆପଡା ବାଦି ଗାଁରେ ଅଘଟଣ: ବେକରେ ରଶି ଲଗାଇ ଜୀବନ ହାରିଲେ ମା’ ଓ ପୁଅ
ନୂଆପଡା(କେନ୍ୟୁଜ୍): ନୂଆପଡା ଜିଲ୍ଲା ଖଡିଆଳ ବ୍ଲକ ବାଦି ଗାଁରେ ଅଘଟଣ। ମାଆ ଓ ପୁଅ ବେକରେ ରଶି ଲଗାଇ କଲେ ଆତ୍ମହତ୍ୟା। ଖଡିଆଳ ନିବାସୀ ସ୍ଵର୍ଗତ ହରି ଖମାରୀଙ୍କ ସ୍ତ୍ରୀ ଗାୟତ୍ରୀ ଖମାରି ଓ ତାଙ୍କ ପୁଅ ଆଶିଷ ଖମାରୀ ଆତ୍ମହତ୍ୟା କରିଥିବା ଜଣାପଡିଛି।
ବାଦି ଗାଁ ନିକଟସ୍ଥ କେନାଲ ପାଖରେ ଥିବା ବର ଗଛରେ ରଶି ଲଗାଇ ଆତ୍ମହତ୍ୟା କରିଥିବା ଜଣାପଡ଼ିଛି । ଆତ୍ମହତ୍ୟାର କାରଣ ଅଷ୍ପଷ୍ଟ ରହିଛି । ଘଟଣାସ୍ଥଳରେ ଖଡିଆଳ ପୋଲିସ୍ ପହଞ୍ଚି ଘଟଣାର ତଦନ୍ତ ଜାରି ରଖିଛି ।
