ଗଞ୍ଜାମ : ଗଞ୍ଜାମ ଜିଲ୍ଲା ବେଗୁନିଆପଡ଼ା ଥାନା ଶାଳବଣରେ ଦୁଇ ଭାଇଙ୍କୁ ହତ୍ୟା ମାମଲାରେ ପୋଲିସର ତଦନ୍ତ ଜାରି । ଦୁଇ ଭାଇ ସଞ୍ଜୟ ବାରିକ ଓ ଅଜୟ ବାରିକଙ୍କୁ ଦୁର୍ବୃତ୍ତମାନେ ହତ୍ୟା କରି ପୋଡ଼ି ଦେବା ପଛରେ ପୂର୍ବଶତ୍ରୁତା ଥିବା ସନ୍ଦେହ କରାଯାଉଛି । ଚୋରା ମଦ କାରବାର ସହ ବହୁ ଅପରାଧିକ ମାମଲାରେ ସଂପୃକ୍ତ ଥିଲେ ଦୁଇ ଭାଇ ।
ବେଗୁନିଆପଡ଼ା ବ୍ଲକର ପୂର୍ବତନ ଅଧ୍ୟକ୍ଷ ଦେବହରି ସାହୁଙ୍କ ହତ୍ୟାକାଣ୍ଡରେ ସଂପୃକ୍ତି ଅଭିଯୋଗରେ ଉଭୟ ସଞ୍ଜୟ ବାରିକ ଓ ଅଜୟ ବାରିକ ମଧ୍ୟ ଜେଲ ଯାଇଥିଲେ । ମିଳିଥିବା ସୂଚନା ଅନୁସାରେ ଗାଁଠାରୁ ପ୍ରାୟ ୭ କିଲୋମିଟର ଦୂରରେ ଥିବା ଶାଳବଣ ଗାଁକୁ ଯାଇଥିଲେ ଦୁଇଭାଇ ।
ତେବେ ଦୁର୍ବୃତ୍ତମାନେ ଶାଳବଣରେ ହତ୍ୟା ପରେ ମରେଇନୂଆଗାଁ ନିକଟରେ ମୃତଦେହରେ ନିଆଁ ଲଗାଇଦେଇଛନ୍ତି । ଦୁଇ ଭାଇଙ୍କ ଅର୍ଦ୍ଧଦଗ୍ଧ ଶବ ଜବତ ସହ ବ୍ୟବଚ୍ଛେଦ କରାଯାଇଛି । ଘଟଣାସ୍ଥଳରୁ କିଛି ନମୁନା ସଂଗ୍ରହ କରି ତଦନ୍ତ କରୁଛି ପୋଲିସ ।
Also read: ଦୁଇ ଭାଇଙ୍କୁ ମାରି ଜାଳିଦେଲେ ଦୁର୍ବୃତ୍ତ, ମୃତଦେହ ଜବତ କରି ତଦନ୍ତ କରୁଛି ପୋଲିସ