ମାଛ ନେଇଗଲେ ବୋଲି ଭିନ୍ନକ୍ଷମ ଯୁବକଙ୍କୁ ପଥରରେ ଛେଚି ମାରି ଦେଲେ
ଘଟଗାଁ (କେନ୍ୟଜ୍) : ମାଛ ମରା କେନ୍ଦ୍ର କରି ଜଣେ ଭିନ୍ନକ୍ଷମ ଯୁବକକୁ ପଥରରେ ଛେଚି ହତ୍ୟା । କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା ଅନ୍ତର୍ଗତ ତିଗିରିଆ ଗ୍ରାମରେ ଘଟିଛି ଏହି ଘଟଣା । ମୃତକ ହେଲେ ରାମଚନ୍ଦ୍ର ପଲେଇ।
ନିକଟରେ ଗାଁ ନାଳରେ କିଛି ଯୁବକ ମାଛ ମାରିବା ପାଇଁ ଜାଲ ବିଛାଇ ଥିଲେ । ସେହି ଜାଲରୁ ରାମଚନ୍ଦ୍ର କିଛି ମାଛ ନେଇଯିବା ଯୋଗୁଁ ସେହି ଯୁବକମନେ ରାଗ ରଖିଥିଲେ । ରାମଚନ୍ଦ୍ର ପଲେଇ ଗତକାଲି କାଲି ରାତିରେ ସାହି ଭିତରକୁ ଯାଇଥିବା ବେଳେ ଯୁବକମାନେ ତାକୁ ସଙ୍ଘବଦ୍ଧ ଆକ୍ରମଣ କରି ପଥରରେ ମୁହଁକୁ ଛେଚି ଦେଇଥିଲେ। ଗୁରୁତର ଅବସ୍ଥାରେ ତାଙ୍କୁ ପରିବାର ଲୋକେ ହରିଚନ୍ଦନପୁର ସ୍ଵାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ଚିକିତ୍ସାଧୀନ ଅବସ୍ଥାରେ ରାମଚନ୍ଦ୍ରଙ୍କର ମୃତ୍ୟୁ ହୋଇଛି। ଖବର ପାଇ ପୋଲିସ ଶବକୁ ଜବତ କରି ୨ଜଣଙ୍କୁ ଥାନାରେ ଅଟକ ରଖିବା ସହ ତଦନ୍ତ ଚଳାଇଛି।