ନବରଙ୍ଗପୁର ମୁଖ୍ଯଚିକିତ୍ସାଳୟରେ ହାଇଡ୍ରାମା: ଦୁର୍ବ୍ଯବହାର ଅଭିଯୋଗ ଆଣି ଡାକ୍ତର ବସିଲେ ଧାରଣାରେ, ହାତ ଯୋଡି କ୍ଷମା ମାଗିଲେ CDMO
ନବରଙ୍ଗପୁର(କେନ୍ୟୁଜ୍): KBK ଜିଲ୍ଲାରେ କାର୍ଯ୍ୟ କରିବା ପାଇଁ ଅରାଜି ହେଲେ ଡାକ୍ତର। କହିଲେ ଆଜି ହିଁ ମୁଁ ଇସ୍ତଫା ପତ୍ର ଦେବି। ରାଜ୍ଯସରକାର KBK ଜିଲ୍ଲାର ଡାକ୍ତର ମାନଙ୍କୁ ବିଭିନ୍ନ ସୁବିଧା ସୁଯୋଗ ଘୋଷଣା କରିଥିବା ସତ୍ତ୍ବେ ଆଜି ଜଣେ ଡାକ୍ତର କହୁଛନ୍ତି ଯଦି ଏଭଳି ଆକ୍ରୋଶ ମୂଳକ ଭାବେ ର୍ନିଯ୍ଯାତନା ଦିଆଗଲେ ଆଗକୁ ଆଉ ନବରଙ୍ଗପୁର ଜିଲ୍ଲରେ କେହି ଡାକ୍ତର ରହିବେ ନାହିଁ। ଆଜି ଜଣେ ଡାକ୍ତର ଜିଲ୍ଲା ମୁଖ୍ଯ ଚିକିତ୍ସାଧିକାରୀ ବାରମ୍ବାର ଦୁର୍ବ୍ଯବହାର କରୁଥିବା ଅଭିଯୋଗ ନେଇ ଧାରଣାରେ ବସିଥିଲେ।
ଡାକ୍ତର ସଚିକାନ୍ତ ଲେଙ୍କା ୨୦୧୬ରୁ ନବରଙ୍ଗପୁର ଜିଲ୍ଲାରେ କାର୍ଯ୍ଯରେ ଯୋଗ ଦେଇଛନ୍ତି। ଗତ କିଛିଦିନ ତଳେ ନିଜର ମେଡିକାଲ ଅଧିକାରୀଙ୍କ ସହ କୌଣସି ଏକ କଥାକୁ ନେଇ ବିବାଦ ଉପୁଜିଥିଲା । ତେନ୍ତୁଳିଖୁଣ୍ଟି ଗୋଷ୍ଠୀ ସ୍ବସ୍ଥ୍ୟ କେନ୍ଦ୍ରର ଡକ୍ଟର ସଚିକାନ୍ତ ଲେଙ୍କା ନିଜ କିଛି ଅଭିଯୋଗ ଆଣି ଜିଲ୍ଲା ମୁଖ୍ଯ ଚିକିତ୍ସାଧିକାରୀ ଡକ୍ଟର ଶୋଭାରଣୀ ମିଶ୍ରଙ୍କୁ ନବରଙ୍ଗପୁର ସ୍ଥିତ ତାଙ୍କ କାର୍ଯ୍ଯାଳୟରେ ସାକ୍ଷାତ କରିଥିଲେ । ଗତ ୫ ବର୍ଷ ଧରି ତେନ୍ତୁଳିଖୁଣ୍ଟି ଗୋଷ୍ଠୀ ସ୍ବସ୍ଥ୍ୟ କେନ୍ଦ୍ରରେ ଚାକିରୀ କରିବା ଦିନ ଠାରୁ ତାଙ୍କୁ କୌଣସି କ୍ୱାଟର ଯୋଗାଇ ଦିଆଯାଉନଥିବା, ତାଙ୍କୁ ବର୍ତ୍ତମାନ ସୁଦ୍ଧା KBK ଇନସେଣ୍ଟିଭ ପ୍ରଦାନ କରାଯାଉନଥିବା, ତେନ୍ତୁଳିଖୁଣ୍ଟି ଗୋଷ୍ଠୀ ଚିକିତ୍ସାଧିକାରୀ କୌଣସି ସହଯୋଗ କରୁନଥିବା ସହ ତେନ୍ତୁଳିଖୁଣ୍ଟି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଦୁର୍ନୀତିର ଗନ୍ତାଘର ପାଲଟିଯାଇଥିବା ନେଇ ଡକ୍ଟର ସଚିକାନ୍ତ ଲେଙ୍କା ସିଡିଏମଓଙ୍କୁ ଅଭିଯୋଗ କରିବାକୁ ଆସିଥିଲେ । ଅଭିଯୋଗ ଶୁଣି ତାହାର ସମାଧାନ କରିବା ବଦଳରେ ଓଲଟା ତାଙ୍କୁ ଅନେକ ଦୁର୍ବ୍ଯବହାର କରିଥିବା ଅଭିଯୋଗ କରିଛନ୍ତି । କେବଳ ସେତିକି ନୁହେଁ CDMO କାଳେ ତାଙ୍କୁ ଏଠି କାହିଁକି କୁକୁରଭଳି ଭୋକୁଥିବା କହିଥିବା ଡକ୍ଟର ସଚ୍ଚିକାନ୍ତ ଲେଙ୍କା ଅଭିଯୋଗ କରିଛନ୍ତି ।
ଏହାସହ ଆଜି ପୁନର୍ବାର ନିଜ ଅଭିଯୋଗ ନେଇ ଆସିଥିବା ବେଳେ ପୁଣି ଦୁର୍ବ୍ଯବହାରର ଶିକାର ହୋଇଥିବାରୁ ମୁଖ୍ଯ ଚିକିତ୍ସାଧିକାରୀଙ୍କ କାର୍ଯ୍ଯାଳୟ ସମ୍ମୁଖରେ ଅର୍ନିଦ୍ଧିଷ୍ଟ କାଳ ପର୍ଯ୍ଯନ୍ତ ଧାରଣାରେ ବସିଥିଲେ ଏବଂ ସିଡିଏମଓଙ୍କ ଠାରୁ ଜବାବ ଚାହୁଁଥିଲେ । ଡାକ୍ତର କାନ୍ଦି କାନ୍ଦି କହିଲେ CDMO ମ୍ୟାଡାମ୍ ଏଠାରେ ହିଟଲର ଶାସନ କରୁଛନ୍ତି ଏବଂ କାଉ ରଙ୍ଗ କଳା ବଦଳରେ ଧଳା କହିବାରେ ପଛାଉ ନାହାଁନ୍ତି । ଡାକ୍ତର ଜଣକ ଧାରଣାରେ ବସିଥିବା ଖବର ପାଇ ଜିଲ୍ଲା ବିଜେପି ଓ ମହିଳା ମୋର୍ଚ୍ଚା ସେଠାରେ ପହଞ୍ଚି ଡାକ୍ତରଙ୍କ ସପକ୍ଷରେ ନ୍ଯାୟ ପାଇଁ ଧାରଣାରେ ସାମିଲ ହୋଇଥିଲେ । ଏହାପରେ ଏହି ହାଇଡ୍ରାମକୁ କାବୁ କରିବା ପାଇଁ ଧାରଣା ସ୍ଥଳରେ ପୋଲିସ ପହଞ୍ଚିଥିଲା । ଏହାକୁ ସମାଧାନ କରିବା ପାଇଁ ନାକେଦମ ହେବାକୁ ପଡିଥିଲା ଜିଲ୍ଲା ପ୍ରଶାସନକୁ। ଶେଷରେ ଧାରଣା ସ୍ଥଳକୁ ପହଞ୍ଚିଥିଲେ ଅତିରିକ୍ତ ଜିଲ୍ଲାପାଳ ଭାସ୍କର ରାଇତ। ଏହାପରେ ମଧ୍ୟ ସମାଧାନର ବାଟ ବହାରିନଥିଲା । ଶେଷରେ ଏ ଘଟଣାକୁ ଶେଷ କରିବାକୁ ନିଜର ଭୁଲକୁ ସ୍ବୀକାର କରି ଡାକ୍ତରଙ୍କୁ କ୍ଷମା ମାଗି ମୁଣ୍ଡିଆ ମାରିଲେ CDMO ।
ଅପରପକ୍ଷରେ କିନ୍ତୁ ପ୍ରଥମେ ଦୁର୍ବ୍ଯବହାର ଅଭିଯୋଗକୁ ଖଣ୍ଡନ କରିବା ଏବଂ ଡକ୍ଟର ତାଙ୍କୁ ଦୁର୍ବ୍ଯବହାର କରିଥିବା ଅଭିଯୋଗ କରିଛନ୍ତି ସିଡିଏମଓ । ଯାହାର ପ୍ରମାଣ କାର୍ଯ୍ଯାଳୟ ରେ ଲାଗିଥିବା ସିସିଟିଭି କ୍ଯାମେରାରେ ରେକର୍ଡ ଥିବା ପ୍ରକାଶ କରିଛନ୍ତି ସିଡିଏମଓ ।
