ବଜ୍ରାଘାତରୁ ବର୍ତ୍ତିଗଲେ ୨୦ରୁ ଉର୍ଦ୍ଧ୍ବ ଛାତ୍ରଛାତ୍ରୀ
ଭଞ୍ଜନଗର : ବିଦ୍ୟାଳୟରେ ପାଠପଢ଼ା ଚାଲିଥିବା ବେଳେ ବଜ୍ରାଘାତ । ବଡ଼ ଅଘଟଣରୁ ବର୍ତ୍ତିଗଲେ ୨୦ରୁ ଅଧିକ ଛାତ୍ରଛାତ୍ରୀ । ଗଞ୍ଜାମ ଜିଲ୍ଲା ତାରାସିଙ୍ଗି ଥାନା ଅନ୍ତର୍ଗତ ଗାଲେରୀ ହାଇସ୍କୁଲର ୧୦ମ ଶ୍ରେଣୀ ପିଲାଙ୍କ ପାଠପଢା ଚାଲିଥିବା ବେଳେ ବଜ୍ରାଘାତ ହୋଇଥିଲା । ଏଥିଯୋଗୁଁ ଛାତ୍ରଛାତ୍ରୀମାନେ ବସିଥିବା ଲୁହାର ଟେବୁଲ୍ ଓ ବେଞ୍ଚ୍ କୁ ମଧ୍ୟ ବିଦ୍ୟୁତ୍ ଝଟକା ଲାଗିଥିଲା । ତୁରନ୍ତ ସେମାନଙ୍କୁ ଉଦ୍ଧାର କରି ନିକଟସ୍ଥ ଗାଲେରୀ ମେଡିକାଲରେ ଭର୍ତ୍ତି କରିଥିଲେ । ସେମାନଙ୍କର ଏବେବି ଚିକିତ୍ସା ଚାଲିଛି ।
