ଭୁବନେଶ୍ୱର : ନବୀନଙ୍କ ନୂଆ ଟିମ । ୮୧ ଜଣ ପ୍ରମୁଖ ନେତାଙ୍କୁ ନେଇ ନୂଆ ଟିମ ଘୋଷଣା କଲେ ବିଜେଡି ସୁପ୍ରିମୋ । ଟିମରେ ୭୧ ଜଣ ରାଜ୍ୟ ପଦାଧିକାରୀ ଏବଂ ୧୦ ଜଣ ଫ୍ରଣ୍ଟାଲ ୱିଙ୍ଗ ବା ସେଲ ମୁଖ୍ୟ ରହିଛନ୍ତି । ଟିମର ୩ଟି ପ୍ରମୁଖ ଲକ୍ଷ୍ୟ ରହିବ ସାମ୍ପ୍ରତିକ ରାଜନୈତିକ ଚ୍ୟାଲେଞ୍ଜର ମୁକାବିଲା, ସଂଗଠନକୁ ପୁନର୍ଜୀବିତ ଏବଂ ମଜବୁତ କରିବା ଏବଂ ଭବିଷ୍ୟତର ନିର୍ବାଚନୀ ଲଢ଼େଇ ପାଇଁ ପ୍ରସ୍ତୁତ ହେବା । ନୂଆ ଟିମରେ ନେତୃତ୍ବ ଢାଞ୍ଚାରେ ବରିଷ୍ଠ ଉପସଭାପତି, ଉପସଭାପତି, ସାଧାରଣ ସମ୍ପାଦକ ଓ କୋଷାଧ୍ୟକ୍ଷ ଅଛନ୍ତି। ନେତାମାନଙ୍କୁ ଗୁରୁତ୍ବପୂର୍ଣ୍ଣ ଦାୟିତ୍ବ ଦିଆଯାଛି ।
ଦଳ ପରିଚାଳନା, ସମର୍ଥନ ଜୁଟାଇବା, ଆଗାମୀ ନିର୍ବାଚନ ପାଇଁ ରଣନୀତି ନିର୍ଦ୍ଧାରଣ କରିବା ଓ ରାଜନୈତିକ ଗତିବିଧି ପାଇଁ ନେତାଙ୍କୁ ଦିଆଯାଇଛି ଦାୟିତ୍ବ । ତୃଣମୂଳ ସ୍ଥରରେ ସଂଗଠନକୁ ମଜଭୁତ କରିବା ସହ ଲୋକଙ୍କ ପାଖରେ ପହଞ୍ଚିବା ଲକ୍ଷ୍ୟରେ ନୂଆ ଟିମରେ ସବୁ ଅଂଚଳ ଓ ଗୋଷ୍ଟୀର ନେତାଙ୍କୁ ସ୍ଥାନ ମିଳିଛି । ଦଳ ଆଗରେ ଥିବା ନୂଆ ରାଜନୈତିକ ଚ୍ୟାଲେଞ୍ଜ, ସଂଗଠନକୁ ପୁନର୍ଜୀବିତ କରିବା ଏବଂ ଭବିଷ୍ୟତ ନିର୍ବାଚନକୁ ଆଖି ଆଗରେ ରଖି ଟିମରେ ନୂଆ ନେତାଙ୍କୁ ଦାୟିତ୍ବ ମିଳିଛି । ଏହାସହ ବିଜେଡିକୁ ଫେରିଲା ପିଏସି । ନବୀନ ଗଠନ କଲେ ପଲିଟିକାଲା ଆଫାୟର୍ସ କମିଟି, ପିଏସି ।
ଶୀର୍ଷ ସ୍ଥରରେ ରହି ଏହି କୋର୍ କମିଟି ସବୁ ନିଷ୍ପତ୍ତି ନିଏ । ଆଜି ନବୀନ ୧୦ ଜଣିଆ ରାଜନୈତିକ ବ୍ୟାପାର କମିଟିଘୋଷଣା କରିଛନ୍ତି । ଏହି ୧୦ ଜଣିଆ କୋର୍ କମିଟିର ଗୁରୁତ୍ବ ଅଧିକ। ସବୁ ଗୁରୁତ୍ବପୂର୍ଣ୍ଣ ରାଜନୈତିକ ନିଷ୍ପତ୍ତି ନିଏ ଏହି କମିଟି । ନିର୍ବାଚନୀ ରଣନୀତି କଣ ରହିବ, କିଏ ପ୍ରାର୍ଥୀ ହେବେ, ନୀତି ନିର୍ଦ୍ଧାରଣ ଏବଂ ଦଳ ଲକ୍ଷ୍ୟ ହାସଲ ସୁନିଶ୍ଚିତ ନେଇ ପଦକ୍ଷପ ଆଦି ସମ୍ପର୍କରେ ଏହି କମିଟି ନିଷ୍ପତ୍ତି ନିଏ । କମିଟିର ଅଧ୍ୟକ୍ଷ ଅଛନ୍ତି ନବୀନ ପଟ୍ଟନାୟକ।
ଏହି କମିଟିରେ ଅଛନ୍ତି ବିକ୍ରମ କେଶରୀ ଆରୁଖ, ପ୍ରମିଳା ମଳ୍ଲିକ ଭଳି ବରିଷ୍ଠ ନେତା । ଏହି କମିଟିରେ ଅଭିଜ୍ଞ ଓ ଯୁବ ବର୍ଗଙ୍କୁ ସ୍ଥାନ ମିଳିଛି। ଏହି କମିଟି ପ୍ରମୁଖ ପ୍ରସଙ୍ଗରେ ଦଳର ଆଭିମୁଖ୍ୟ ସ୍ଥିର କରେ । ଏହି ଆଭିମୁଖ୍ୟ ଜନତାଙ୍କ ନିକଟରେ ପହଞ୍ଚାଇ ସମର୍ଥନ ଜୁଟାଇବା ଦିଗରେ ସହାୟକ ହୁଏ । ଏହି କମିଟି ଦଳର ବିଭିନ୍ନ ଶାଖା ମଧ୍ୟରେ ସମନ୍ବୟ ରଖେ ଏବଂ ଦଳ ଭିତରେ ଦ୍ବନ୍ଦ୍ବ କରି ସଂଗଠନକୁ ମଜଭୁତ କରେ । ବିଜେଡି ଗଠନ ବେଳେ ପଲଟିକାଲ ଆଫାୟର୍ସ କମିଟି ଥିଲା। ଦଳର ସବୁ ଗୁରୁତ୍ବପୂର୍ଣ୍ଣ ରାଜନୈତିକ ନିଷ୍ପତି ଏହି କମିଟି ନେଉଥିଲା ।
Also read: ବିଜେଡିର ରାଜନୈତିକ ବ୍ୟାପାର କମିଟି ଗଠିତ, ୧୦ ଜଣିଆ କମିଟିର ଅଧ୍ୟକ୍ଷ ନବୀନ ପଟ୍ଟନାୟକ