ସରିଲା ସସପେନ୍ସ : ଅମର ପଟ୍ଟନାୟକ, ସସ୍ମିତ ପାତ୍ର ଓ ଅଶ୍ୱିନୀ ବୈଷ୍ଣବ ଯିବେ ରାଜ୍ୟସଭା
ଭୁବନେଶ୍ବର(କେନ୍ୟୁଜ୍): ସରିଲା ରାଜ୍ୟସଭା ସସପେନ୍ସ । ଅମର ପଟ୍ଟନାୟକ, ସସ୍ମିତ ପାତ୍ର ଓ ଅଶ୍ୱିନୀ ବୈଷ୍ଣବ ଯିବେ ରାଜ୍ୟସଭା । ଏମାନଙ୍କ ନାଁ ଘୋଷଣା କରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ବିଜେଡି ନେତା ତଥା ପୂର୍ବତନ ଏଜି ଅମର ପଟ୍ଟନାୟକ ରାଜ୍ୟସଭା ଯିବେ । ଅମର ପଟ୍ଟନାୟକ ବର୍ତ୍ତମାନ ବିଜେଡି ଆଇଟି ସେଲ୍ର ଅଧ୍ୟକ୍ଷ ଅଛନ୍ତି । ସସ୍ମିତ ପାତ୍ର ବିଜେଡି ମୁଖପାତ୍ର ଅଛନ୍ତି । ପୂର୍ବତନ ଆଇଏଏସ୍ ହେଉଛନ୍ତି ଅଶ୍ୱିନୀ ବୈଷ୍ଣବ । ଗତ ସାଧାରଣ ନିର୍ବାଚନରେ ବିଜେଡିର ତିନି ଜଣ ରାଜ୍ୟସଭା ସାଂସଦ ଲୋକସଭା ଓ ବିଧାନସଭା ନିର୍ବାଚନ ଜିତିଥିଲେ । ଲୋକସଭା ଓ ବିଧାନସଭାକୁ ନିର୍ବାଚିତ ହେବା ପରେ ରାଜ୍ୟସଭା ସଦସ୍ୟ ପଦରୁ ଇସ୍ତଫା ଦେଇଥିଲେ ଡକ୍ଚର ଅଚ୍ୟୁତ ସାମନ୍ତ, ସୌମ୍ୟରଞ୍ଜନ ପଟ୍ଟନାୟକ ଓ ପ୍ରତାପ ଦେବ । ଡକ୍ଟର ଅଚ୍ୟୁତ ସାମନ୍ତ କନ୍ଧମାଳ ଲୋକସଭା ସାଂସଦ, ସୌମ୍ୟରଞ୍ଜନ ପଟ୍ଟନାୟକ ଖଣ୍ଡପଡ଼ା ଓ ପ୍ରତାପ ଦେବ ଆଳି ବିଧାନସଭା ଆସନରୁ ଲଢ଼ି ବିଜୟୀ ହୋଇଛନ୍ତି। ଆସନ୍ତା ଜୁଲାଇ ୫ରେ ଓଡ଼ିଶାର ତିନିଟି ରାଜ୍ୟସଭା ଆସନ ପାଇଁ ଉପନିର୍ବାଚନ ହେବ । ନାମାଙ୍କନ ଦାଖଲର ଶେଷ ଦିନ ରହିଛି ୨୫ ଜୁନ । ୨୮ ତାରିଖ ରହିଛି ପ୍ରାର୍ଥିପତ୍ର ଦାଖଲର ଶେଷ ଦିନ ।