ଆଜି ଏନଡିଏ ସାଂସଦଙ୍କ ବୈଠକ, ସାମିଲ ହେବେ ଓଡ଼ିଶା ନବନିର୍ବାଚିତ ୨୦ ସାଂସଦ

ଭୁବନେଶ୍ୱର (କେନ୍ୟୁଜ): ଦିନକ ପରେ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ନେବେ ମୋଦି । ଏନଡିଏ ନେତାଙ୍କ ବୈଠକରେ ସେ ନେତା ନିର୍ବାଚିତ ହୋଇଛନ୍ତି। ଆଜି ଏନଡିଏର ସଂସଦୀୟ ଦଳ ବୈଠକ ବସିବ । ଏନଡିଏର ସମସ୍ତ ୨୯୩ ସାଂସଦ ବୈଠକରେ ସାମିଲ ହେବେ। ମୋଦିଙ୍କୁ ନେତା ନିର୍ବାଚିତ କରିବେ । ଏଥିପାଇଁ ଓଡ଼ିଶାର ନବ ନିର୍ବାଚିତ ୨୦ ଜଣ ବିଜେପି ସାଂସଦ ଦିଲ୍ଲୀ ଯାଇଛନ୍ତି । ବୈଠକରେ ସେମାନେ ସାମିଲ ହେବେ । ପାର୍ଲ୍ୟାମେଣ୍ଟ ସେଣ୍ଟ୍ରାଲ ହଲରେ ବୈଠକ ବସିବ। NDAର ନବ ନିର୍ବାଚିତ ସାଂସଦଙ୍କ ବୈଠକ ପରେ ବିଜେପିର ଶୀର୍ଷ ନେତୃତ୍ବ ଓଡ଼ିଶା ନେତାଙ୍କ ସହ ବୈଠକ କରିବେ। ବୈଠକରେ ଶୀର୍ଷ ନେତୃତ୍ବ ମୁଖ୍ୟମନ୍ତ୍ରୀଙ୍କ ସମ୍ପର୍କରେ ମତାମତ ଗ୍ରହଣ କରିବେ ।

ଓଡିଶା ବିଜେପି ନେତାଙ୍କ ମତାମତକୁ ବିଜେପି ସଂସଦୀୟ ବୋରଡ ବୈଠକରେ ତର୍ଜମା କରାଯାଇ କିଏ ପରବର୍ତ୍ତୀ ମୁଖ୍ୟମନ୍ତ୍ରୀ ହେବେ ସେନେଇ ନିଷ୍ପତ୍ତି ନିଆଯିବ। ବୈଠକରେ ଆନୁଷ୍ଠାନିକ ଭାବେ ନେତା ନିର୍ବାଚିତ ହେବେ ମୋଦି। ଶନିବାର ସଂଧ୍ୟା ୬ ଟାରେ ମୋଦିଙ୍କ ଶପଥ ଗ୍ରହଣ ଉତ୍ସବ। ମୋଦିଙ୍କ ଶପଥ ଗ୍ରହଣ ଉତ୍ସବ ପାଇଁ ବ୍ୟାପକ ପ୍ରସ୍ତୁତି ହେଉଛି । ବିଦେଶୀ ଅତିଥିଙ୍କୁ ନିମନ୍ତ୍ରଣ ହେଲାଣି।