କନ୍ଧମାଳ : ଉପାନ୍ତ ଗାଁର ଝିଅ । ଆଖିରେ ଅସୁମାରୀ ସ୍ୱପ୍ନ । ବଡ଼ ଡାକ୍ତର ହୋଇ ଲୋକଙ୍କ ସେବା କରିବାକୁ ଇଚ୍ଛା ରଖିଛନ୍ତି ସୁନା ଝିଅ । ନିଜ ସ୍ୱପ୍ନ ପୂରଣ ସହ ବାପାଙ୍କ ମୁଣ୍ଡରୁ ବୋଝକୁ ଟିକିଏ ହାଲୁକା କରିବେ । ଚଳିତ ନିଟ ପରୀକ୍ଷାରେ ଉର୍ତ୍ତିର୍ଣ୍ଣ ହୋଇ ବ୍ରହ୍ମପୁର ଏମକେସିଜି ରେ ନାମ ଲେଖାଇଛନ୍ତି । କନ୍ଧମାଳ ଜିଲ୍ଲା ଦାରିଙ୍ଗବାଡି ବ୍ଲକର ବାଡାବାଙ୍ଗା ଅନ୍ତର୍ଗତ ଗର୍ଜେଡ଼ି ଭଳି ଏକ ଉପାନ୍ତ ଗ୍ରାମର ଅନୁସୂଚିତ ଜନଜାତି ସମ୍ପ୍ରଦାୟର ଛାତ୍ରୀ ଲିଂସା ପ୍ରଧାନ ଏବେ ଡାକ୍ତରୀ ଛାତ୍ରୀ ।
ବାପା ଏଲିଆସ ପ୍ରଧାନ ପେସା ରେ ଜଣେ ଗଣ ଶିକ୍ଷକ ମା ରୀନା ପ୍ରଧାନ ଘରେ ରୁହନ୍ତି । ତାଙ୍କର ଦୁଇ ପୁଅ ଦୁଇ ଝିଅ କୁ ମିଶାଇ ଘରେ ଛଅ କୁଟୁମ୍ବ । ଏପଟେ ସ୍ୱଳ୍ପ ଦରମା ସାଙ୍ଗକୁ ଝିଅ ପୁଅ ଙ୍କ ସ୍ୱପ୍ନ ପୂରଣ କରିବା ପାଇଁ ମୁଣ୍ଡରେ ବୋଝ । ଶିକ୍ଷକତା ବାଦେ ବିଲ ବାଡ଼ି ଚାଷ କରି ପୁଅ ଝିଅଙ୍କ ସ୍ବପ୍ନକୁ ପୁରଣ କରିବା ପାଇଁ ସବୁବେଳେ ଚେଷ୍ଟା କରି ଆସୁଛନ୍ତି ବାପା ।
ଲିଂସା ସେଣ୍ଟ ଜାଭିଏର ସ୍କୁଲ କରୁମୁଣ୍ଡା ଠାରେ ପ୍ରଥମରୁ ଦଶମ ପର୍ଯ୍ୟନ୍ତ ନିଜ ପ୍ରାଥମିକ ଶିକ୍ଷା ଆରମ୍ଭ କରିଥିବା ବେଳେ ପରେ ସେ ଉଚ୍ଚ ଶିକ୍ଷା ପାଇଁ ଡ଼ିଭାଇନ ହାୟର ସେକେଣ୍ଡାରୀ ସ୍କୁଲ ନୟାଗଡ଼ରେ ଦ୍ୱାଦଶ ପାସ କରିଥିଲେ । ପରେ ସ୍ନାତକ ପାଇଁ ଭୁବନେଶ୍ବରର କିସ ଅନୁଷ୍ଠାନ ରେ ନାମ ଲେଖାଇଥିଲେ । ମନରେ ସ୍ୱପ୍ନ ଡାକ୍ତରୀ ପଢିବେ, ନିଟ ପରୀକ୍ଷା ଦେେବ । ଏଣୁ ୟୁଟୁବରୁ ପାଠ ପଢ଼ିଥିଲେ ଶେଷରେ କିସ ଲାଇବ୍ରେରୀରୁ ବହି ସଂଗ୍ରହ କରି ନିଜ ପରିଶ୍ରମରେ ନିଟ ପରୀକ୍ଷାରେ ସଫଳତା ପାଇଛନ୍ତି । ସେ ଓଡ଼ିଆ ମିଡିଅମ ପାଠ ପଢି କିସ ଅନୁଷ୍ଠାନର ସହାୟତାରେ ଆଜି ବଡ଼ ସଫଳତା ପାଇଥିବାରୁ ନିଜକୁ ଗର୍ବିତ ମନେ କରୁଛନ୍ତି ।
ଦୁର୍ଗମ ଅଞ୍ଚଳରେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଲୋକଙ୍କ ନିକଟରେ ସ୍ୱାସ୍ଥ୍ୟସେବା ଯୋଗାଇ ଦେବା ଲିଂସାଙ୍କର ମୂଳ ଉଦ୍ଦେଶ୍ୟ ।ସେ ଭଲ ଡାକ୍ତର ହେବା ପାଇଁ ଅଧିକା ପରିଶ୍ରମ କରି ଡାକ୍ତର ପାଠ ପଢିବେ ବୋଲି ଲିଂସା କହିଛନ୍ତି । ଏଥିପାଇଁ ସେ କିସ ଅନୁଷ୍ଠାନ ଓ କିସ ଓ କୀଟ ପ୍ରତିଷ୍ଠାତା ଡ଼ଃ ଅଚ୍ୟୁତ ସାମନ୍ତ ଙ୍କୁ କୃତଜ୍ଞତା ସହ ଧନ୍ୟବାଦ ଜଣାଇଛନ୍ତି । ପାଠ ପଢ଼ା ପାଇଁ ଅନେକ ଟଙ୍କା ଦରକାର ଥିବା ବେଳେ ବାପାଙ୍କ ସ୍ୱଳ୍ପ ଦରମା ରେ ପାଠ ପଢ଼ି ଭଲ ଡାକ୍ତର ହୋଇପାରିବେ କି ନାହିଁ ତାହା ବର୍ତ୍ତମାନ ପ୍ରଶ୍ନ ବାଚି ….
