କମିଲା ବାରବାଟୀ ଦିନିକିଆ କ୍ରିକେଟ ମ୍ୟାଚ ଦର, ସର୍ବନିମ୍ନ ଟିକେଟ ଦର ଶହେ ଟଙ୍କା

କଟକ : କମିଲା ବାରବାଟୀ ଦିନିକିଆ କ୍ରିକେଟ ମ୍ୟାଚ ଦର । କ୍ରୀଡ଼ାମନ୍ତ୍ରୀ ସୂରଜ ସୂର୍ଯ୍ଯବଂଶୀଙ୍କ ସହ ଆଲୋଚନା ପରେ ଦର କମାଇବାକୁ ନିଷ୍ପତ୍ତି ନେଇଛି ଓସିଏ । ବାରବାଟୀରେ ଫେବୃଆରୀ ୯ ତାରିଖରେ ଭାରତ ଓ ଇଂଲଣ୍ଡ ମଧ୍ୟରେ ଦିନିକିଆ ମ୍ୟାଚ ଅନୁଷ୍ଠିତ ହେବ । ଟିକେଟ ଦର ସର୍ବନିମ୍ନ ଶହେ ଟଙ୍କା କମାଇଛି ଓସିଏ । ଏକ ନଂ ଓ ତିନି ନଂ ଗ୍ୟାଲେରୀ ଦର ୧୨ଶହ ଟଙ୍କା ଥିବା ବେଳେ ଏହା ଏବେ ୧୧ଶହ ଟଙ୍କା ହୋଇଛି । ୫ନଂ ଗ୍ୟାଲେରୀ ଦର ଏକହଜାର ଟଙ୍କାରୁ ୯ଶହ ଟଙ୍କା ଓ ୭ନଂ ଗ୍ୟାଲେରୀ ଦର ୮ଶହରୁ ୭ଶହ ଟଙ୍କାକୁ ଖସିଛି। ତେବେ କର୍ପୋରେଟ ବକ୍ସ ଓ ନିଉ ପାଭିଲିୟନ ଦର ଅପରିବର୍ତ୍ତିତ ରହିଛି । ଫେବୃଆରୀ ୯ ତାରିଖ ମ୍ୟାଚ ପାଇଁ ଭୁବନେଶ୍ବର କଳିଙ୍ଗ ଷ୍ଟାଡିୟମରେ ହୋଇଥିଲା ପ୍ରସ୍ତୁତି ବୈଠକ ।