ସ୍ମାର୍ଟସିଟି ବାସିନ୍ଦାଙ୍କ ପାଇଁ ସ୍ମାର୍ଟ ସୁବିଧା, ଲୋକାର୍ପିତ ହୋଇଛି ଓଡ଼େଶୀ ସିଟି କାର୍ଡ ଓ ମୋ ଓଡ଼େଶୀ ସେଣ୍ଟର
ଭୁବନେଶ୍ୱର : ବାସିନ୍ଦାଙ୍କ ପାଇଁ ସ୍ମାର୍ଟ ସୁବିଧା । ଲୋକାର୍ପିତ ହୋଇଛି ଓଡ଼େଶୀ ସିଟି କାର୍ଡ ଓ ମୋ ଓଡ଼େଶୀ ସେଣ୍ଟର । ଏହାକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କମନ୍ ସିଟି ପେମେଣ୍ଟ ସିଷ୍ଟମ ଅନ୍ତର୍ଗତ ଏହି ଦୁଇଟି ବ୍ୟବସ୍ଥା ଲୋକଙ୍କୁ ଅନେକ ସୁବିଧା ଆଣିଦେବ । ଓଡ଼େଶୀ ସିଟି କାର୍ଡକୁ ପ୍ରିପେଡ୍ କାର୍ଡ ଭାବରେ ବିଭିନ୍ନ କ୍ଷେତ୍ରରେ ବ୍ୟବହାର କରି ପାରିବେ ଲୋକ । ଏହାଦ୍ୱାରା ହୋଲ୍ଡିଂ ଟ୍ୟାକ୍ସ, ପାଣି ବିଲ୍, ପାର୍କିଂ ଦେୟ ଓ ଟ୍ରେଡ୍ ଲାଇସେନ୍ସ ଆଦିର ବିଲ୍ ଦେଇ ପାରିବେ ଭୁବନେଶ୍ୱର ବାସିନ୍ଦା । ଏହାବ୍ୟତୀତ ଏହି କାର୍ଡ ଜରିଆରେ କିଣାବିକା, ରେଷ୍ଟୁରାଣ୍ଟରେ ଖାଇବା, ସିନେମା ଟିକେଟ କିଣିବା, ସିଟିବସ୍ ଆଦି କ୍ଷେତ୍ରରେ ବ୍ୟବହାର କରି ପାରିବେ । ସବୁ ସ୍ଥାନରେ ପଏଣ୍ଟ ଅଫ୍ ସେଲ୍ ବା ପିଓଏସ୍ ମେସିନ୍ରେ କାର୍ଡ ବ୍ୟବହାର କରିପାରିବେ ଗ୍ରାହକ ।