ବନ୍ୟା କ୍ଷୟକ୍ଷତି ଅନୁଧ୍ୟାନ ପରେ ମୁଖ୍ୟ ଶାସନ ସଚିିବଙ୍କ ସହ ଆଲୋଚନା କରିଛନ୍ତି କେନ୍ଦ୍ରୀୟ ଟିମ୍,ସହାୟତା ପାଇଁ ୧୧ଶହ କୋଟି ଦାବି କଲା ରାଜ୍ୟ
କେନ୍ୟୁଜ୍(ବ୍ୟୁରୋ): ୧୧ଶହ କୋଟି ସହାୟତା ଦାବି । ବନ୍ୟା ସହାୟତା ପାଇଁ ୧୧ ଶହ କୋଟି ଟଙ୍କାର ସହାୟତା ଦାବି ରଖିଲା ରାଜ୍ୟ । ବନ୍ୟା କ୍ଷୟକ୍ଷତି ଅନୁଧ୍ୟାନ ପରେ ମୁଖ୍ୟ ଶାସନ ସଚିିବଙ୍କ ସହ ଆଲୋଚନା କରିଛନ୍ତି କେନ୍ଦ୍ରୀୟ ଟିମ୍ । ଏହି ସମୟରେ ୧୧ଶହ କୋଟି ଟଙ୍କାର ଦାବି ରଖିଛି ଓଡ଼ିଶା । କେନ୍ଦ୍ରୀୟ ଟିମ୍କୁ ବିସ୍ତୃତ ରିପୋର୍ଟ ଦିଆଯାଇଛି ।
ଦୁଇ ଦିନିଆ ଗସ୍ତ ସାରି ସଂଧ୍ୟାରେ ମୁଖ୍ୟ ସଚିବଙ୍କ ସହ ଆଲୋଚନା କରିଥିଲେ କେନ୍ଦ୍ରୀୟ ଟିମ୍ । ବୈଠକରେ ଅତିରିକ୍ତ ମୁଖ୍ୟ ସଚିବ, ଏସଆରସି ଓ ଅନ୍ୟ ବରିଷ୍ଠ ଅଧିକାରୀମାନେ ସାମିଲ ଥିଲେ । ଦୁଇ ଦିନିଆ ଗସ୍ତରେ ଆସି ୪ଟି ଜିଲ୍ଲାରେ ବନ୍ୟା କ୍ଷୟକ୍ଷତି ଅନୁଧ୍ୟାନ କରିଛନ୍ତି କେନ୍ଦ୍ରୀୟ ଟିମ୍ । ଭାଗଭାଗ ହୋଇ ଯାଜପୁର, ଭଦ୍ରକ, କେନ୍ଦ୍ରାପଡ଼ା ଓ ପୁରୀ ଗସ୍ତ କରିଥିଲେ। ଦୁଇ ଦିନ ଧରି ଏହି ୪ଟି ଜିଲ୍ଲାର ବିଭିନ୍ନ ଅଞ୍ଚଳରେ ବନ୍ୟା କ୍ଷୟକ୍ଷତି ଅନୁଧ୍ୟାନ କରିବା ସହ ଜିଲ୍ଲା ପ୍ରଶାସନ ଓ ବିପନ୍ନଙ୍କ ସହ ଆଲୋଚନା କରିଥିଲେ ।