ଓଡ଼ିଶା ଆସିବ ଡାକୋଟା, ଉଦ୍ୟମ ଆରମ୍ଭ କରିଛନ୍ତି ରାଜ୍ୟ ସରକାର

ଭୁବନେଶ୍ୱର (କେନ୍ୟୁଜ୍) : ରାଜଧାନୀକୁ ଆସିବ ଡାକୋଟା । ରାଜ୍ୟ ସରକାର ଉଦ୍ୟମ ଆରମ୍ଭ କରି ସାରିଛନ୍ତି । ଏ ପ୍ରସଙ୍ଗରେ ଆଲୋଚନା ପାଇଁ ଆଜି ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଏକ ଉଚ୍ଚସ୍ତରୀୟ ବୈଠକ ବସିବ । ବର୍ତ୍ତମାନ ବିମାନଟି କୋଲକାତାରେ ରହିଛି । ବିଜୁ ବାବୁଙ୍କ ପ୍ରତିଷ୍ଠିତ କଳିଙ୍ଗ ଏୟାରଲାଇନ୍‌ସରେ ୧୪ଟି ବିମାନ ଥିଲା । ସେଥିରୁ ଡାକୋଟା ବିଜୁ ବାବୁଙ୍କ ବେଶ ପ୍ରିୟ ଥିଲା । ଡାକୋଟାକୁ ନିଜେ ବିଜୁ ବାବୁ ବ୍ୟବହାର କରୁଥିଲେ । ବର୍ତ୍ତମାନ ଏହା କୋଲକାତାରେ ରହିଛି । ବିମାନଟିକୁ ଓଡ଼ିଶା ଆଣିବାକୁ ବିଭିନ୍ନ ମହଲରେ ଦାବି ଉଠିଥିଲା । ଏହାପରେ ରାଜ୍ୟ ସରକାର ପ୍ରୟାସ ଆରମ୍ଭ କରିଥିଲେ । କୋଲକାତାରୁ ବିମାନର ବିଭିନ୍ନ ପାର୍ଟସ୍‌କୁ ଖୋଲି ଏହାକୁ ଭୁବନେଶ୍ୱର ଅଣାଯିବ । ଭୁବନେଶ୍ୱରରେ ପାର୍ଟଗୁଡିକ ଯୋଡ଼ାଯାଇ ବିଜୁ ପଟ୍ଟନାୟକ ଏୟାର ପୋର୍ଟସ୍‌ରେ ରଖିବାକୁ ଯୋଜନା ହେଉଥିବା ସୂଚନା ମିଳିଛି । ପ୍ରଥମେ ଏହାକୁ ଆନନ୍ଦ ଭବନ ସଂଗ୍ରାହଳୟରେ ରଖିବାକୁ ଯୋଜନା ହୋଇଥିଲା । କିନ୍ତୁ ସ୍ଥାନର ଅଭାବ ଥିବାକୁ ଏହାକୁ ବିଜୁ ପଟ୍ଟନାୟକ ବିମାନ ବନ୍ଦରରେ ରଖିବାକୁ ସ୍ଥିର କରାଯାଇଥିଲା । ଡାକୋଟା ବିମାନକ ଓଡ଼ିଶା ଆଣିବା ପାଇଁ ରାଜ୍ୟ ପରିବହନ ବିଭାଗୁ ଦାୟିତ୍ୱ ଦିଆଯାଇଛି ।