କଟକ(କେନ୍ଯୁଜ୍):କୋଭିଡ ଟିକାକରଣ ସାର୍ଟିଫିକେଟରେ ତ୍ରୁଟି ଅଭିଯୋଗ ସଂଶୋଧନ ଲାଗି ୱେବସାଇଟ ଖୋଲିବା ପାଇଁ ନିର୍ଦ୍ଦେଶ ଦେଇଛନ୍ତି ଓଡିଶା ହାଇକୋର୍ଟ। ଭୁବନେଶ୍ଵରର ନରେନ୍ଦ୍ର କୁମାର ଦାସ ଓ ତାଙ୍କ ପତ୍ନୀ ନେଇଥିବା କରୋନା ପ୍ରତିଷେଧକ ଟିକା ବାବଦରେ ପ୍ରଦାନ କରାଯାଇଥିବା ସାର୍ଟିଫିକେଟ ତ୍ରୁଟିପୂର୍ଣ୍ଣ ଦର୍ଶାଇ ଦାୟର ମାମଲାର ଶୁଣାଣି କରି ହାଇକୋର୍ଟ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ଯାଣ ମନ୍ତ୍ରଣାଳୟକୁ ପକ୍ଷ ରଖିବାକୁ ନିର୍ଦ୍ଦେଶ ଦେଇଛନ୍ତି।
ଟିକା ସାର୍ଟିଫିକେଟରେ ତ୍ରୁଟି ଯୋଗୁଁ ବହୁ ନାଗରିକ ସମସ୍ଯାର ସମ୍ମୁଖୀନ ହେଉଛନ୍ତି ବୋଲି ହାଇକୋର୍ଟ କହିବା ସହିତ ଏହି ପ୍ରସଙ୍ଗରେ ଆବଶ୍ଯକ ପ୍ରସ୍ତାବ ଉପସ୍ଥାପନ ପାଇଁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟକୁ ନିର୍ଦ୍ଦେଶ ଦେଇଛନ୍ତି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଟିକା ସାର୍ଟିଫିକେଟରେ ତ୍ରୁଟି ସଂଶୋଧନ ପାଇଁ ୱେବସାଇଟ ଖୋଲିବା ଉପରେ ହାଇକୋର୍ଟ ଗୁରୁତ୍ବାରୋପ କରିଛନ୍ତି। କରୋନା ଟିକା ସାର୍ଟିଫିକେଟରେ ତ୍ରୁଟି ସଂଶୋଧନ ପାଇଁ ର୍ନିଦ୍ଦିଷ୍ଟ ୱେବସାଇଟ ଅଣାଯିବା ସହ ଏ ନେଇ ବ୍ଯାପକ ପ୍ରଚାର ପ୍ରସାର କରାଯିବା ଆବଶ୍ଯକ ବୋଲି ହାଇକୋର୍ଟ କହିଛନ୍ତି। ସାଧାରଣ ଲୋକଙ୍କ ଅବଗତ ନିମନ୍ତେ ଏଭଳି ପ୍ରଚାର ପ୍ରସାର କରାଇବାକୁ ହାଇକୋର୍ଟ କହିଛନ୍ତି।
ଅନ୍ଯପଟରେ ଆବେଦନକାରୀ କରୋନା ଟିକା ନେଇଥିବା ସମୟ ଓ ସ୍ଥାନର ପ୍ରମାଣ ଦେଇସାରିଥିବାରୁ ତାଙ୍କୁ ଶୀଘ୍ର ସଂଶୋଧିତ ସାର୍ଟିଫିକେଟ ପ୍ରଦାନ ପାଇଁ ମଧ୍ୟ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଜଷ୍ଟିସ ବିଶ୍ଵନାଥ ରଥଙ୍କୁ ନେଇ ଗଠିତ ଖଣ୍ଡପୀଠ ଏ ସଂପର୍କିତ ମାମଲାର ଶୁଣାଣି କରି ଏଭଳି ନିର୍ଦ୍ଦେଶ ଦେଇଛନ୍ତି। ଆବେଦନକାରୀ ଭୁବନେଶ୍ଵରର ଏକ ଘରୋଇ ହସପିଟାଲରେ ଦୁଇଟି ଯାକ ଡୋଜ୍ କରୋନା ପ୍ରତିଷେଧକ ଟିକା ୨୦୨୧ ମାର୍ଚ୍ଚ ୧ ଓ ଏପ୍ରିଲ ୧ରେ ନେଇଥିଲେ। କିନ୍ତୁ ତାଙ୍କୁ ମିଳିଥିବା ଟିକା ସାର୍ଟିଫିକେଟରେ ପ୍ରଥମ ଡୋଜ ମାର୍ଚ୍ଚ ୮ରେ ଓ ଦ୍ୱିତୀୟ ଡୋଜ୍ ଅଗଷ୍ଟ ୧୯ରେ ଦିଆଯାଇଥିବା ନେଇ ଉଲ୍ଲେଖ ଥିଲା। ଏପରି କି ଟିକା ନେଇଥିବା ସ୍ଥାନ ଓ ତାରିଖ ସବୁ ତ୍ରୁଟିପୂର୍ଣ୍ଣ ଥିଲା। ଫଳରେ ଆବେଦନକାରୀ ର୍ନିଦ୍ଧାରିତ ତାରିଖରେ ବୁଷ୍ଟର ଡୋଜ୍ ନେଇ ପାରି ନଥିଲେ। ମାମଲାର ପରବର୍ତ୍ତୀ ଶୁଣାଣି ମାର୍ଚ୍ଚ ୨୧ ତାରିଖରେ ହେବ ବୋଲି ଧାର୍ଯ୍ଯ କରାଯାଇଛି।
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…