କିନ୍ନରଙ୍କୁ ପିଟିପିଟି ହତ୍ୟା କଲେ ଯୁବକ, ଅଭିଯୁକ୍ତ ଥାନାରେ ଅଟକ

ଘଟଗାଁ(କେ ନ୍ୟୁଜ):  ଜଣେ କିନ୍ନରଙ୍କୁ ପିଟିପିଟି ହତ୍ୟା କରାଯାଇଛି । ଘଟଣା ଘଟିଛି କେନ୍ଦୁଝର ଜିଲ୍ଲା ଦୈତାରୀ ଥାନା ଅନ୍ତର୍ଗତ ବ୍ରାହ୍ମଣୀପାଳ ଠାରେ । ମୃତକଙ୍କ ନାମ ସନ୍ଧ୍ୟା କିନ୍ନରଙ୍କୁ ସଦାଶିବ ସାମଲ ନାମକ ଜଣେ ଯୁବକ ହତ୍ୟା କରିଛନ୍ତି। ମିଳିଥିବା ସୂଚନା ଅନୁଯାୟୀ ସଦାଶିବ ଓ ସନ୍ଧ୍ୟାଙ୍କ ମଧ୍ୟରେ କୌଣସି କାରଣକୁ ବଚସା ହେବାରୁ ସଦାଶିବ ତାଙ୍କୁ ପିଟିପିଟି ହତ୍ୟା କରିଥିଲେ । ଖବର ପାଇ ଦୈତାରୀ ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରିବା ସହ ଅଭିଯୁକ୍ତ ସଦାଶିବଙ୍କୁ ଥାନା ଅଟକ ରଖି ଘଟଣାର ତଦନ୍ତ ଚଳାଇଛି।

ଅନ୍ୟ ପକ୍ଷରେ କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥର ରେଙ୍ଗାଳବେଡା ନିକଟରେ ଏକ ଅଜଣା ଗାଡ଼ି ଜଣେ ବୃଦ୍ଧଙ୍କ ଉପରେ ଚଢିଯିବାରୁ ବୃଦ୍ଧଙ୍କର ଘଟଣା ସ୍ଥଳରେ ମୃତ୍ୟୁ ଘଟିଛି । ତେବେ ଏହି ୬୦ ବର୍ଷରୁ ଉର୍ଦ୍ଧ୍ବ ଏହି ବୃଦ୍ଧ ଜଣଙ୍କର ସଠିକ ପରିଚୟ ମିଳିପାରି ନାହିଁ । ଖବର ପାଇ ତୁରୁମୁଙ୍ଗା ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରି ତଦନ୍ତ ଚଳାଇଛି ।