ବିଶ୍ୱ ପ୍ରସିଦ୍ଧ ବରଗଡ଼ ଧନୁଯାତ୍ରାର ଅଷ୍ଟମ ଦିବସରେ ଗୋପରେ କୃଷ୍ଣମୟ ପରିବେଶ । ଗୋଟିଏ ପରେ ଗୋଟିଏ ଲୀଳା ଦେଖାଇ ମନ ମୋହୁଛନ୍ତି କାଳିଆ ସୁନା । ଏସବୁ ଭିତରେ ସମ୍ପନ୍ନ ହୋଇଛି ରାଧା କୃଷ୍ଣଙ୍କ ନାବକେଳୀ । ଏହି ମନୋରମ ଦୃଶ୍ୟ ଦେଖିବାକୁ ବରଗଡ଼ ମନାବନ୍ଧରେ ଜମିଥିଲା ହଜାର ହଜାର ଶ୍ରଦ୍ଧାଳୁଙ୍କ ଭିଡ । ଏପଟେ ମଥୁରାରେ କୃଷ୍ଣ ବଳରାମଙ୍କୁ ହତ୍ୟା କରିବା ପାଇଁ ମହାରାଜ କଂସ ଆୟୋଜନ କରିଛନ୍ତି ଛଳନାର ଯାତ୍ରା ଧନୁଯାତ୍ରା । ଯାତ୍ରାର ଅଷ୍ଟମ ଦିବସରେ ମହାରାଜ କଂସଙ୍କ ନଗର ଭ୍ରମଣ, ଅକ୍ରୁରଙ୍କ ଗୋପପୁର ଗମନ ଓ ଯମୁନା ବାଲିରେ କୃଷ୍ଣ ପାଦ ଦର୍ଶନ ଦୃଶ୍ୟ ଅଭିନୀତ ହେବ ।
ସାରା ଗୋପପୁର ହୋଇଉଠିଛି କୃଷ୍ଣ ମୟ । ନଟଖଟିଆ କାହ୍ନୁ ଗୋଟିଏ ପରେ ଗୋଟିଏ ଲିଳା କରିଚାଲିଛନ୍ତି । କେତେ ବେଳେ ଗୋପୀଙ୍କ ଦଧିହାଣ୍ତି ଭାଙ୍ଗୁଛନ୍ତି ତ ଆଉ କେତେବେଳେ ବସ୍ତ୍ର ହରଣ କରୁଛନ୍ତି । ପ୍ରତିଦିନ ପରି ରାଧା ଓ ଗୋପି ମାନେ ମଥୁରାକୁ ଦଧି ବିକି ଗୋପପୁର ଫେରିବା ବାଟରେ ଯମୁନା ପାରି ହୋଇ ଆସିଲା ବେଳକୁ କୃଷ୍ଣ ନାଉରୀଆ ବେଶରେ ଜଗି ରହିଥାନ୍ତି ଓ ତାପରେ ହୋଇଥାଏ ରାଧାକୃଷ୍ଣ ଙ୍କ ନାବକେଳୀ । ଅଷ୍ଟମ ଦିନରେ ଏହି ମନୋରମ ଦୃଶ୍ୟ ସ୍ଥାନୀୟ ମନାବନ୍ଧଠାରେ ଦେଖିବାକୁ ହଜାର ହଜାର ଦର୍ଶକଙ୍କ ଭିଡ ଜମିଥିଲା । ରାଧା କୃଷ୍ଣଙ୍କ ଏହି ପ୍ରେମ ରେ ଆତ୍ମବିଭୋର ହୋଇପଡିଥିଲେ ଦର୍ଶକ ।
ଏପଟେ କୃଷ୍ଣ ବଳରାମଙ୍କୁ ମାରିବା ପାଇଁ ମହାରାଜ କଂସ କରିଚାଲିଛନ୍ତି ଷଡ଼ଯନ୍ତ୍ର । କଳେ ବଳେ କୌଶଳେ କିପରି କୃଷ୍ଣ ବଳରାମଙ୍କୁ ନିଧନ କରିବେ ସେ ନେଇ ଚିନ୍ତିତ ହୋଇପଡିଛନ୍ତି କଂସାସୁର । ଠିକ୍ ଏତିକି ବେଳେ ମଥୁରାରେ ଧନୁଯାତ୍ରା କରିବାକୁ ପରାମର୍ଶ ଦେଇଛନ୍ତି ଦେବର୍ଷି ନାରଦ । ଧନୁଯାତ୍ରା ଦେଖିବାକୁ କୃଷ୍ଣ ବଳରାମଙ୍କୁ ନେଇ ଆସିବା ପାଇଁ ମନ୍ତ୍ରୀ ଅକୃରଙ୍କ ହାତରେ ଚିଟାଉ ଦେଇ ପଠାଇଛନ୍ତି ଗୋପପୁର । ସେପଟେ କୃଷ୍ଣ ବଳରାମଙ୍କୁ ମାରିବା ପାଇଁ ଶଙ୍ଖଚୁଡ ସାପ ଯାଇଛି ଗୋପପୁର ।
ତେବେ ଆଜି ଧନୁଯାତ୍ରା ମହୋତ୍ସବର ଅଷ୍ଟମ ଦିନରେ ମହାରାଜ କଂସଙ୍କ ନଗର ଭ୍ରମଣ ସହ ଇନ୍ଦ୍ରଙ୍କ ସହିତ ଯୁଦ୍ଧ ଓ ବନ୍ଦୀ, ଯମପୁର ଆତ୍କମଣ ଦୃଶ୍ୟ ଅଭିନୀତ ହେବ । ଅନ୍ୟପଟେ ଗୋପପୁରରେ ନଟଖଟିଆ କାହ୍ନୁଙ୍କ ଗିରି ଗୋବର୍ଦ୍ଧନ ଧାରଣ, ଅକ୍ରୁରଙ୍କ ଗୋପପୁର ପ୍ରବେଶ । ଯମୁନା ନଈରେ ଶ୍ରୀକୃଷ୍ଣଙ୍କ ପାଦ ଚିହ୍ନ ଦର୍ଶନ, କୃଷ୍ଣ ବଳରାମଙ୍କ ସହ ଅକ୍ରୁରଙ୍କ ସାକ୍ଷାତର ଦୃଶ୍ୟ ଅଭିନତ ହେବ ।
ଜଳେଶ୍ୱର (କେନ୍ୟୁଜ): ନିଜର ବିବାହ ଉତ୍ସବକୁ ସ୍ମରଣୀୟ କରିବା ପାଇଁ ଆଜିର ଯୁବପିଢୀ ଭିନ୍ନ ଭିନ୍ନ ଢଙ୍ଗରେ ଏହାକୁ ପାଳନ…
କେନ୍ୟୁଜ (ବ୍ୟୁରୋ) : ବିଭାଗ ବଣ୍ଟନ ସରିଛି । ଏବେ ଦାୟିତ୍ୱ ନେବା ପରେ ମନ୍ତ୍ରୀମାନଙ୍କ ଆଗରେ ରହିବ ଅନେକ ଚ୍ୟାଲେଞ୍ଜ…
ପେଟ୍ରୋଲ ହେଉଛି ଏକ ଦୈନଦିନ ଖର୍ଚ୍ଚ । ଯେଉଁଠି ପାଇଁ ଆମେ ସବୁବେଳେ ଦର ଉପରେ ନଜର ରଖିଥାଉ ।…
କେନ୍ୟୁଜ (ବ୍ୟୁରୋ) : ସୁନା କିଣିବାକୁ ଚାହୁଁଥିଲେ ପ୍ରଥମେ ଜାଣନ୍ତୁ ଦାମ୍ । ଆଜି ଭାରତୀୟ ବଜାରରେ ୨୪ କ୍ୟାରେଟ ସୁନା…
ସମ୍ବଲପୁର(କେନ୍ୟୁଜ): ନିର୍ବାଚନ ଜିତିବା ପରେ ପ୍ରଥମ ଥର ପାଇଁ ସମ୍ବଲପୁର ଗସ୍ତ କରିଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ମା…
ଭୁବନେଶ୍ୱର (କେନ୍ୟୁଜ): ଆଗକୁ ବଢୁଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଆସନ୍ତା ୩ରୁ ୪ଦିନ ମଧ୍ୟରେ କିଛି ଅଞ୍ଚଳକୁ…