କୋରାପୁଟ(କେନ୍ୟୁଜ୍): କଦଳୀ ବୋଝେଇ ଟ୍ରକରୁ କୋଟିଏ ଟଙ୍କାର ଗଂଜେଇ ଜବତ । ସୁନାବେଡା ପୋଲିସ ଦ୍ଵାରା କୋଟିଏରୁ ଉର୍ଦ୍ଧ୍ଵ ଟଙ୍କାର ଗଂଜେଇ ସହ ଟ୍ରକ ଜବତ କରି ୨ ଜଣଙ୍କୁ ଗିରଫ କରାଯାଇଛି । ଜଲାପୁଟ ଅଂଚଳରୁ ବିହାର ଚାଲାଣ କରାଯାଉଥିଲା ଏହି ଗଂଜେଇ । କଦଳି ବୋଝେଇ ଟ୍ରକ ମଧ୍ୟରେ ଗଂଜେଇ ଚାଲାଣ କରାଯାଉଥିବା ବେଳେ ସୁନାବେଡା ପୋଲିସ ହାତରେ ଏସବୁ ଗଂଜେଇ ଧରାପଡିଛି ।
ପାଖାପାଖି ୧୨ କ୍ଵିଣ୍ଟାଲ ୪କେଜି ଗଂଜେଇ ସହ ଟ୍ରକକୁ ଜବତ କରାଯାଇଛି । ଏହି ଘଟଣାରେ ୨ଜଣଙ୍କୁ ଗିରଫ କରାଯାଇଛି। ଗିରଫ ୨ଜଣ ହେଲେ ଝାରଖଣ୍ଡ ରାଜ୍ଯର ରାଜୀବ କୁମାର ମାହତୋ ଓ ବିହାରର ରମଣ କୁମାର ବୋଲି ସୁଚନା ଦେଇଛନ୍ତି କୋରାପୁଟ ଏସପି ବରୁଣ ଗୁଣ୍ଟୁପଲି ।