ପନ୍ଦର ଫୁଟ ଗାତ ଭିତରେ ପଡି ଜଣେ ମୃତ, ଜଣେ ଗୁରୁତର
ଯାଜପୁର ଟାଉନ : ରାସ୍ତା ଉପରେ ଖୋଳା ହୋଇଥିବା ଏକ ଗାତରେ ପଡ଼ି଼ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଅଛନ୍ତି । ତାଙ୍କୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି । ଏ ଦୃଶ୍ୟ ହେଉଛି ଯାଜପୁର ଟାଉନ୍ ଗାନ୍ଧୀଛକ ନିକଟର ା ଏଠାରେ ଏ ଟେଲିଫୋନ୍ କମ୍ପାନୀ କବେୁଲ ମରାମତି ସମୟରେ ଖୋଳା ଯାଇଥିବା ଗାତରେ ଫସିଯାଇଥିଲେ ଦୁଇ ଜଣ ର୍କମଚାରୀ । ଉପର ମାଟି ଧସି ଯାଇଥିବାରୁ ଏଭଳି ଦୁର୍ଘଟଣା ଘଟିଥିଲା । ଦୀର୍ଘ ଅଧଘଣ୍ଟା ପ୍ରୟାସ ପରେ ଦୁଇ ଜଣ ର୍କମଚାରୀଙ୍କୁ ୧୫ ଫୁଟ ଗଭୀର ଗାତ ଭିତରୁ ଉଦ୍ଧାର କରିଥିଲେ ଅଗ୍ନିଶମ ବାହିନୀ ।
ଉଦ୍ଧାର ଦୁଇ ର୍କମଚାରୀ ହେଉଛନ୍ତି ଗୌରହରି ପଣ୍ଡା ଓ ପ୍ରିୟବ୍ରତ ଷଡ଼ଙ୍ଗୀ। ସୂଚନା ଅନୁସାରେ ଗୌରହରିଙ୍କ ହାତ ଭାଙ୍ଗିଥିବା ବେଳେ ପ୍ରିୟବ୍ରତଙ୍କ ଅବସ୍ଥା ଗୁରୁତର ରହିଥିଲା । ପ୍ରଥମେ ଦୁଇ କର୍ମଚାରୀଙ୍କୁ ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ତେବେ ଗୁରୁତର ଥିବାରୁ ପ୍ରିୟବ୍ରତଙ୍କୁ କଟକ ନିଆଯିବା ବାଟରେ ତାଙ୍କର ମୃତ୍ୟୁ ହୋଇଯାଇଛି । ଗୌରହରିଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି ।
